اقتباس:
المشاركة الأصلية كتبت بواسطة مبتعثة متفائلة
تسلمون ماتقصرون
ان شاءالله بروح الطبيب اذا حسيت اني محتاجه
سقيا حبيبتي معافاه
قلبي عمان
شكرا لذكر تجربتك
تدرين كلامك لامسني جدا
شخصيتك القديمه نفسي
انغمست في الناس والاهتمام بهم بدرجه نسيت نفسي
خاصه اذا الشخص مو محتاج ويطلب خدمتك استغلال او كسل منه
خليني اقول لك سالفه
فعلا زي ماتقولي الناس بعد فتره يشوفوا الي تعمليه ولا شي او واجب عليك
وحده من اعز صديقاتي
كنا بجمعه بالامس المهم صارت تلمح انا ماجبت لك هديه لانك لما ترقيت ماجبتي لي
يله جيبي لي الهديه الفلانيه اطالب فيها قالتها بضحك بس لها مقصد
قلت لها اذا جبتي لي كذا اجيب لك الي طلبتي قالت ابدي انتي
هي المناسبه الي تكلمت عنها فعلا ترقت لكن كنت مسافره وارسلت اختي تبارك لها وجابت لها شوكلت
وكثير مناسبتها اهديتها هدايا غاليه ومكلفه واوجبها دايم
بذكاء تملصت من الهديه بهالاسلوب وذكرت اخر مناسبه ماهديتها ماكني معطتها مليون هديه قبل
وهي عارفه اني مو نفس الباقيات لاحمل ولا انجب كل سنه عشان تتاذى من توجيبي
ماهمتني تهدي بس اسلوبها ماكان له داعي
واستغربت من ذكاء ودهاء الحريم
بس تعلمت درس
الحياه ماهي بس توجيب فلانه وعلانه واجي على نفسي
اذا محتاجين اوكي
غيره فيه فقراء ومساكين ومشاريع هي اجدر بهدايانا الباهضه الي نهديها مجامله لفلانه وعلانه
ووقتنا وحنا نغلف الهديه الفلانيه ونطلب الشوكلت ونزين فيه امور اهم اجدر نقضي وقتنا فيها
والي يحبك كافي يجيك وتشوف الفرحه بعينه
والي تحبه اي شي بسيط منك بيفرحه
ادخال السرور على قلب المؤمن عمل عظيم وتقدر تسويه بدون اسراف ولا تبذير
فعلا ذاك الحوار مع صديقتي غيرني وعرفني الناس على طبعها
غير الي تلقاهم زعلانين منك بدون سبب
غير ان شي جميل وحدث سعيد حصل لك
|
ألف سلامة عليك حبيبتي....
صحيح كلامك بالنسبة للهدايا برأي لا تتكلفي أبدا فيها لا ماديا ولا بالمشاوير
صحيح تصير عادة انه لازم تهدي شي كبير.... حددي ميزانية للهدايا لا تتعديها
صدقتي الفقراء أولى من مجرد مجاملات...... الصداقة مفروض ما تتطلب غير شوية اهتمام بدون مبالغة وابتسامة وكلمة طيبة
كل هذا التكلف يحولها الى علاقة مادية..... تعرفي مبتعثة زمان كنت أتكلف في هدايا زوجي واضغط على نفسي ماديا بس لما غيرت نظرتي صرت أبدا ما أتكلف..... الحمد لله..... وعلى فكرة تراه صاحبتي اياها ما حقدت عليها ورجعت اتعامل معها
بالحدود الا وضعتها..... أهم نقطة الوحده تحافظ على طهارة قلبها.... تحطي رأسك على المخدة وانتي راضية تماما عن نفسك وواثقة انك ما كنتي سبب في حزن حد💖