بونجوووركن يا عسولات كيفكن حبايبي 😙😙😙😙😙
تسلمولي حبيباتي سقيا وشوك وحوراء كل اللي سأل الله يسلمكن يا عسولات
وابني الحمدلله صار احسن
اليوم كان عندو تغير الشاش واعطوه موعد عال10ونطر زوجي وقت
وقالتلو الممرضة انو الدكتورة عم تشوف مريض وراجعة
بعدين اتأخرت رجع سألها قالتلو اليوم السبت وما في الا دكتورة حاليا وبدك تنطر بالساعات
قلها تغير الشاش وانطر بالساعات
قلها بجي بكرة قالتلو نفس النطرة سبت واحد
قلها الاتنين
قالتلو ايه خود موعد
وقبل ما يضهر قالتلو بس صحة ابنك اهم
قلها لو صحة ابني اهم قصته خمس دقايق وبتخلص وانا آخد موعد مش قعده ساعات ولو قلتيلي انطر ساعتين بنطر بعد بس ساعات مش محددة وخرج من المستشفى
اتصل فيني قلي شو صار واذا اتصرف غلط
قلتلو لاء برافو عليك😁😁😁😁😁
ورجع اخد ابني الكبير والوسطاني على مدينة تانية لعند عمهن وبيرجع المغرب
قلتلو المغرب بتاخدو لعندهن وبتقلها متل سبت الماضي دخلت ابني الساعة 4العصر
وقلتوا بدو عملية صغيرة 10دقايق وتركتوه للساعة 3ونص الفجر
هون السبت والاحد مصيبة بالانتظار

الحمدلله على كل شي


شوكتي بالنسبة للمطبخ حطي افكار وخلي مصمم المطابخ يرسملك فكرتك وبعدين قرري
مثلا متل ما قلتي الفرن منفصل خليه يجي عالي عن الارض مش دغري مطرح الغاز اللي بتطبخي عليه
يعني خليه عيون الغاز بمكان والفرن بمكان
واعملي خزاين مفتوحة نازلة عن الخزاين العادية للميكرويف وتحته للفرن الكهربا
هيك بتعطي حركة وديكور
واهم شي خزاين بتنسحب للطناجر والسخاخين

وشي للادوات الكهربائية
وشي للزيت والخل
وسلة البصل والبطاطا كمان بقلب الخزاين داخلية

وغسالة الصحون كمان مرة وحدة المطبخ رح تساويه
استغلييكون في مكان لكل شي وتستفيدي منو وبنفس الوقت يكون في ديكور مميز وانت تحبيه

شوفي ديكورات اجنبية وشوفي اللي بيعجبك وفصلي متلو او عدلي عليه

باقي الصبايا كيفكن يا عسولات
بعد شوي بدي روح اضهر انا وبنوتي
💖💖💖💖💖

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه