نسيت اقولك اني ابات كثير عند اهلي بحكم انو انا وهم متعلقين ببعض يعني لو ماجيت يظل والدي يتصل على زوجي وينها جبها ووالدتي واخواتي علي .. وبرضو انا بالاجازات القصيره الأعياد ومرات كذا من دون اجازه اروح من اسبوع لعشرة ايام ومرات اسبوعين مانكون متمشكلين لا اروح انبسط ومرات اروح لسفره يكون رايح مؤتمر او مع الشباب عموما هو يروح لدبي كثير مرات مؤتمرات ومرات طفشان مع الشباب وانا مامنعه احبه يروح لوحده ينبسط دامه مو مقصر معاي ويسب بالسفر ويقول معاك احلى بس ماترك هالعاده يعني يجاملني ...
برضو يقول اصدقائي يلعبون على حريمهم يقولن جده وانتي تفرحين بسفرتي واضح من يحب من ؟؟؟ وهم يغارون وانتي ماتصدقين عشان تروحين لاهلك ... والله مرات مافهم وش يبي يعني دبي وش فيها لا راح ليش اقوله اجلس واسوي دراما يعني يبي امنعه ونتهاوش ناقصه مشاكل اكرام النفس هواها يبي يسافر ويتركني بكيفه هذا خياره ....


طبعا قبل كان يتضايق من روحاتي لأهلي واول ماتزوجت منعني من النوم عند اهلي وقلت له لو انك تجلس عندي وماتسهر والله مانام ولا اتركك ليله لحالك بس هو كل يوم طالع والويكند سهر للفجر باللهي مو حرام اجلس ؟ مرات اقول اصير احسن منه واجلس ويكند واعوض اهلي وسط الاسبوع اروح لهم .. واجلس ويكند واسكت ماقوله اجلس معي واجهز حلى وقهوه واتجهز وجو وكيذا واقوله حملت فلم رهيب يتقهوى وياكل معاي وعلى العشاء وهو طالع يقول معليش تعرفين هذي اجازتي ومايجي الا 4 او 3 الفجر بالاستراحه لعب طائره باايستيشن وبلوت باللهي وش المتعه عندي مقارنه مع متعته معاهم اكيد ولا شيء وانا تزوجت وعمره 31 وانا 20 يعني صعب اغيره الان لما وصل على 37 ؟؟؟؟ هذي حياته من قبل ياخذني وتعود صحيح ماظلمه في تنازلات بسييييييييطه لما اكون مريضه مايطلع او يكنسلهم يوم نكون راجعين عقب مشكله فيستحي مايروح هذيك الليله ...
يعني انا وهو متعودين عالفراق ايام جلوسنا مع بعضض اقل من ايام افتراقنا ..