رد: كوفي شوب الصبايا (٣)
مب قادرة أتخيل المشهد يا ملكة .. لكني فهمت إن العربانة خفيفة.
هاتي وحدة أكبر شوي وفيها وزن.
ما دامه حركي ما شاء الله عليه محد بيتبرّض له .. وإنتي عمرج ما بتقدرين تسوين شي مع طفل مطلوق.
عيالي أييب لهم عربانة فيها وزن شوي .. بحيث تمسك الياهل عدل .. وفي نفس الوقت أقدر أشيلها وأحطها في السيارة لو طلعت بروحي.
السنة اللي طافت اشتريت لشما عربانة ثانية وزنها خفيف حق السفر .. عشان ما تحكرنا في التنقلات .. ولما رجعنا البلاد طمعت وعجبتني إنها خفيفة وما تتعبني .. فقررت أستخدمها بدل العربانة الرئيسية .... وندمت.
العربانة منخفضة وشما كانت تقدر توصل للعجلات وتمسكهم .. أو في أحسن الأحوال تحط ريولها عليهم وتوقّفهم .. ولما طولت شوي صارت ريولها توصل الأرض فتتحرك بالعربانة بنفسها وتوصل للأغراض المعروضة وتلعب فيها.
في النهاية رجعت للعربانة الأولى فانحكرت شما وصرت أعرف أتحرك وأتسوق براحتي.
__________________
اللهم طِيبَ الأثر .. وحُسْنَ الرحيل.