بعتذر عالمداخلة عزيزتي جنا
في حال وجهت اخت زوجها كلامها مباشرة بوجه روح وجرحتها او اهانتها فبترد عليها بلحظتها وبتوقفها عند حدها وما بتسمحلها تتخطى حدودها
اما هيدي الحركات والتلطيشات انو تحكي من غرفة تانية لتسمع او ترسل بنت صغيرة لتخرب جلستها مع سلفتها
هيدا كلو دليل بدها تقهرها من بعيد لبعيد
والطريقة الاقوى لترد عليها روح انو تبين انو آخر همها ولا فارقة معها
يعني استفزاز اخت زوجها ما جاب نتيجة فبالتالي ردة الفعل رح ينعكس على اخت زوج روح وهيي اللي رح تتضايق اكتر لانو روح ما معبرة كلامها
والا في حال ردت روح رح تكمش عليها هالنقطة وتعرف كيف دايما تستفزها
وفي نقطة تانية روح ساكنة بعيد عنهن يعني ما في احتكاك دائم
فكرمال هيك الحل هو الطناش
الاهم من هيدا كلو علاقتها جيدة مع عمها وحماتها وسلفتها
وممكن اذا ردت عليها اخت زوجها تخترع كلام وتخرب علاقتها مع عمها وحماتها
وما دام الكلام من بعيد لبعيد فالافضل يضل مكانه
وتريح راسها من القيل والقال ووجع الراس
في ناس ما بتكون مهمة بحياتنا او بتعنيلنا شي
فبنطش كلامهن وبنخلي علاقتنا رسمية معهن

مرة تانية بعتذر عالمداخلة وبحترم رأيك عزيزتي وعلى راسي 😙😙😙😙

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه