منتدى عالم الأسرة والمجتمع - عرض مشاركة واحدة

21-09-2015, 05:21 AM

#5229

مهره

عضو المنتدى الفخري

تاريخ التسجيل: Aug 2003

المشاركات: 17,491

رد: كوفي شوب الصبايا (٣)

اقتباس:

المشاركة الأصلية كتبت بواسطة شيها نة

مهرة ماشاء الله تزورين صديقتك الصباح,
تجربة مستحيلة بالنسبة لي : )

هو مش الصبح قوي يا شيهانة.

وصلت عندها تقريباً 10.45 .. وطلعت 12.50

أدري الزيارات الصباحية غير معتادَة .. ويمكن غير مستساغة .... بس ما عندي وقت ثاني.

الصبح هو الوقت اللي ما أكون مرتبطة فيه لأن اليهال في المدرسة .. وأنجز أموري كلها في هالوقت .. من الظهر لين المغرب أكون مشغولة مع اليهال .. وطلعات الليل أحسها ما صارت مناسبة في ظل زحمة الشوارع اللي تبلع نص الوقت خاصة لو المكان بعيد شوي .. يعني إذا طلعت الساعة 7 أو 8 مثلاً متى بارجع؟!

طبعاً ممكن أعمل جذي في ظروف استثنائية .. لكني ما أحبذه كوضع اعتيادي متكرر.

صديقتي ظروفها نفس الشي .. بعد الظهر تكون مشغولة مع بناتها ودراستهن .. وزوجها اللي يرجع من دوامه عقب العصر.

الأهم إن علاقتي معاها فيها ميانة وأريحية .. يعني مب مطلوب منها تتكلف في استقبالي .. وعادي عندي تضيّفني بكوب شاي فقط .. المهم الجلسة والسوالف.

__________________

اللهم طِيبَ الأثر .. وحُسْنَ الرحيل.