تحديث 4


ارسلت له اناقشه بموضوع التويتر
وكلمني وهو اول مرا اكلمه من يومين كنت مقفله جوالي .. المهم دق وضاق صدري صار مشتبهين فيه كورونا ومعطينه اجازه لما تطلع النتيجه الله يحفظه ان شالله مافيه هو معه زكمه ويبي ينحاش العيد قام عرض نفسه للتحليل اشتباه الكورونا لانو كمان اصحابه قد عملوها قبل يبغو الثلاثه ايام ...
بس كان تعبان وصوته يحزن 💔 مهما انقهرت منه اضعف اذا صار له شيء .. حبي له هو اللي وداني بداهيه وخلاني اتنازل عن حقوقي ... مافي اسعد من الزوجات اللي يكرهون ازواجهم حقوقها ماشيه غصبن عنه وماتتنازل عن وش وفوق كذا يصير الزوج مجنون حب فيها ويبي يكسب حب هالقاسيه .. ومافي اتعس من الزوجات اللي يحبون ازواجهم تتنازل عن كل شيء عشان هالحب ... ي ويلي يما من الحب شو بيعزب شو بيزل 💔💔

المهم تخاصمنا وقالي شكاكه ومدري شو وتدورين المشاكل 😑 وهذولا علاقات عامه وجوالي بيدك ليش تبين تحطيني بسجن وتكتمين على قلبي قلت من حقي زوجتك واغار ... .. مابي تتابع بنات كيفي ..
مع انه هو مانعني من التويتر والانستا والسناب وحالف بالطلاق لو اعملهم
ووافق على الانستا بيني وبينه يعني معاه باسووردي ...
تيب ليش عصب يقول تبيني على كيفك وتتحكمين فيني .. بعدين تشادينا وقال كلام مو كويس صدمني بعدها قفلت وهو يحكي لانه كان يلعن للأسف زوجي يلعن كثير .... وهذا مرفوض عندي نهائي وقفلت جوالي وحذفت الواتس ورحت نمت وانا راسي بينفجر صحيت 1 ماما تقولي زوجك دق على جوالي يبيك قلت قولي له نايمه ..
فتحت جوالي لقيت رسائل واعتذار عن اللعن واني ليش اعمل فيه كذا وهو تعبان ووراه اختبارات وعيد 😢💔💔💔 حسسني بالذنب وهو الغلطان ..

انا حاسه بحالي مابي اتصالح معه شف كل ماننتهي من مشكله اعمل مشكله ثانيه احس بغضب داخلي عليه ... اعصب ونتخاصم ويعتذر .. بس مايتفذ وعوده وعارف والله اكون جدا مرتاحه واحنا متخاصمين واذا راضاني ارجع متنرفزه وحزينه وفيني غلقه ...
كل هذا جديد ماكنت كذا .. المشكله اهلي مرره زعلانين مني ومن اعتزالي يقولو غصب تجلسين معانا وانا ماني طايقه حتى نفسي
ودي احجز عند مستشاره اسريه لي وله جلسه .. بس اخاف تنقلب علي قدامه ويصدق اني غلط ولا يغير من نفسه شيء
ولو بستمر كذا راح يمل ونهايتنا طلاق ماراح يصبر علي وانا مررره نافره منه وادور عليه الغلط ... ماكنت كذا .. اعوذ بالله من الشيطان ..
المشكله كنت متحمسه على السفر عقب ماينتهي على بداية 2016 راح ناخذ شهر ونسافر انا وهو سوا بدون البنات بس الان مابي وابقوله قبل يحجز ويتخسر ماراح اسعده راح اتمشكل كل شوي لاني زعلانه عليه ومارضيت ومقهوره منه ...
صارحته بكل اللي ضايقني مالقيت جواب يبرد قلبي لو اصور لك محادثاتنا يرد ردود مدري من وين ... انا بطريق وهو بطريق تفكيرنا جدا مختلف ... مانلتقي !!!!