منتدى عالم الأسرة والمجتمع - عرض مشاركة واحدة

22-09-2015, 10:08 PM

#5290

مهره

عضو المنتدى الفخري

تاريخ التسجيل: Aug 2003

المشاركات: 17,491

رد: كوفي شوب الصبايا (٣)

مهرة بعدها ما بدأت تصلي .. لكنها تعرف أركان الصلاة وتعرف ما يقال في القيام والركوع والسجود .. بس بعدها ما تعرف التشهد.

لما أذّن العشا قالت لي: ماما أبا أصلي.

ودخلت الحمام تتوضا .. وعقب راحت غرفتي ولبست ثوب الصلاة مالي .. وسألتني: ماما كم ركعة؟ .. جاوبتها ووقفت على سجادة الصلاة .. وصلّت.

عقب ما خلصت قالت لي: ماما أبا أقرا قرآن .. وخذت المصحف .. وأونها تقرا.

هي حافظة بعض قصار السور بس طبعاً بعدها ما تعرف تقراهم.

بعدين سألتني: ماما وين سورة الناس؟

فتحت لها الصفحة الأخيرة في المصحف وراويتها سورة الناس والفلق والإخلاص .. والصفحة المقابلة اللي فيها الكافرون والنصر والمسد .. أأشّر لها على السورة واسمها .. وهي تسمّع وحاطة عينها في المصحف أونها تقرا.

من فترة بسيطة كلمتها عن الصلاة وقلت لها إنها السنة الياية بإذن الله بتبدا تصلي معاي .. ووعدتها أفصّل لها ثوب للصلاة مخصوص عشانها.

اليوم لما توهقت في ثوبي طلبت مني أسوي لها ثوب على قدها .. وقالت لي: أباه من الحين مب لازم أنتظر السنة الياية.

__________________

اللهم طِيبَ الأثر .. وحُسْنَ الرحيل.

التعديل الأخير تم بواسطة مهره ; 22-09-2015 الساعة 10:09 PM