كيف كانت الزياره روح

روح ولا تسمحي لاي احد يسبب لك كابه ويضيق خلقك
الي يلقح بالكلام ولا يواجه اسحبي عليه
ولا ياثر فيك لا بحزتها ولا بعدين
اصلا مسكين هذا ان دل دل على انه سفيه وجبان
سالفه ان ارد على كل من هب ودب انسيها
فيه ناس سعادتها لما تستفزك وبتعيدها كل مره لانها حققت مرادها
الا اذا احد واجهك وقال كلمه غلط بحقك ردي باسلوب وسكتيه بدون صراخ ولا زعل
بالنسبه لسلفتك برضو احذريها
ولا تحطي ببالك انك تروح لبيت اهل زوجك عشان بس تقابليها
اصلا عيب
هو ماهو كوفي شوب تتعازمي انتي وياها عليه
بيت الحموله يظل له احترامه
واذا قعدو البنات مع اخوانهم مو مشكله
انتي بعد تلهين وتنشغلين مع عيالك ومع زوجك وانتي عندهم
ولا حبيتي لما رمت عليك الكلمه انك جايه تقعدي مع زوجك
عشان كذا برضو لا تصيري انتي نفس الشي وتلونيهم اذا جلسوا مع اخوانهم
لا تطولي قعدات معاهم زوريهم بفترات متقاربه وزيارات قصيره وانويها لوجه الله
قولي لي ليه ماحبيت موقف سلفتك
انا ياروح ماحب صاحب الوجهين المنافق
يعني تخدمهم وتطير فيهم
وتجي تشتكي لك من وراهم
ماهي ملزومه تعمل كذا
ولا حتى خوف من زوجها
بس في ناس كذا تضبط وضعها وعقب تتحلطم عند الناس الثانيين وتتبكبك
وتبين انتي الي تسوي الي هي ماسوته وتحطك بوجه المدفع
ولو تشوفك عسل معاهم تنقهر
لاتفتحين جبهات حرب انتي بغنى عنها
وماخصك بحد
ونصيحه لا تعطي الناس امبر من حجمها
وتقعدي تحللي تصرفاتهم
اسمعي من هنا وطلعي من هنا
وعيشي حياتك وانبسطي
وشوفي اولوياتك بالحياه واشتغلي عليها