قرأتها ...
مو غرور ولكني احفظ بعضا من هذا الكلام عن ظهر قلب خصوصا تعبير الرجل عن الحب
يعني لو يحجروني بزاويه ويقولون لي من الاخر يحبك او لا 😠 بقول يموت في دباديبي 😢💕💔👎

ولكن ينقصه التعبير
وقليل الموده والرحمه
امثله من واقع حياتي تؤلمني ولها وقع مؤلم علي ..

_ اذا دخل من العمل وانا انتظره يجي ي معصب ولا يقف او يستقبل احتضاني .. يجي يركض يبي الباث .. او تسبقني ابنتي ف يحتضنها ويحملها ويسير عني بعيدا وقلبي ينزف 💔💔💔💔 ومرات قليله يقف لمبادلتي الحضن وبسرعة البرق ..

عند الخروج انا اودعه ويحتضن بسرعة البرق واذا رفضت ان ابتعد يقول مابي تثيريني يعني الحياه ي ابيض او اسود مافي حضن نظيف !!! من قال ان هدفي اثارتك لو ابيها ادل طريقها ولكن لم يستوعبني ..
يمكن مايعرف اهميته بالنسبه لنا مع انه اذا زعلت يدل الطريق ويعرف ان هالشيء بيرضيني ..
_لما نجلس سواء بيت مطعم اوتيل لا يمكن يقرب مني او يلمسني او يتغزل على الجوال او التي في كأني ابو ناصر مو زوجته وانثى امامه
حتى اول مايصحى يكون على الجوال ويصحيني بطريقه مزعجه يسحب المفرش او يبقس او يحط مخده على وجهي دفشششششششششششش 😠😠😠😠😬😬😬😬 وانا عكس اصحيه بكل رقه ولمسات واذا صحى ينفخ طفي اامكيف ولا ( انتسبي الغداء ) ومشكله واضح انه مبسوط من تدليلي له بس يكابر ويتغلى ليش يقابل بدفاشه راح يعرف انه يخسر .. زوجي عنده اللي كذا يحب زوجته وكلام حب ومسلسل تركي ذا مب رجال وقروي وماشاف خير وعذرا ( خروف ) !
لما يشوف موقف او رجل او احكي له قصه رجل مدلل امرأته بالحكي واللمسات ينتقصه على طول
_في احدى سفرياتنا قدامنا بالطيارا اخ سعودي مع زوجته فتح الغطاء وقبل زوجته قبله زوجيه انا أشرت لزوجي وانا اضحكككك .. قام حط ايده على فمه يعني اسكتي وجلس يضرب بالكرسي كنوع من المضايقه وجلس يقول وعع قروي ماشاف خير !!!
وانا بنفسي اقول ليتك قروي بس
ادري الرجال خربها وفعله ليس من الادب ولم يحترم الذوق العام ولكن من قال اني اريد قبله يكفيني لمسه اهتمام تغطيه اذا انا بردانه .. بالبدايه اول ماتزوجنا في الرحله لشهر العسل بالطائره وضعت رأسي على كتفه وانتفض وابعدني يقول عيب ماحب كذا !!
من سنتين تغير وصار يقولي حطي رأسك علي ( بالرحلات ) ولكن شيء ما في نفسي كسر افضل الشباك اكثر من كتف زوجي
ولكن لم يتغير بسؤالي عن الحال او تغطيتي او الاهتمام بي انا وهو كثيري السفر وارى نماذج محبه ماشالله وانقهر من جمود زوجي بجانبي تمر 6 و7 و8 ساعات لا ينتبه الا لغطائي اذا سقط او بنطالي اذا سقطت عنه العبائه ويجلس يسب ويضرب المكان يقول تستري طيب غطني انت الغالب اكون نائمه وافزز من ضربته وش هالقلب اعوذ بالله من قساوة القلوب بس 💔 ... اكره اكون معاه بمكان واحد وبجنب بعض لان الحرمان يمزق قلبي ..
واذا بادرت انتفض وابداء امتعاضه وانه مايحب حركات المراهقين .. طيب قلبي مراهق انا مراهقه عادي مو لازم اكون زيك وزي تفكيرك .. 💔

_مثلا رحنا عند بحر وجلسنا لحظة غروب يجلس ساكت ولا يلعب بالرمل ويكتب امور مضحكه مالها علاقه بالجو كأنه يحتقر الحب والرومانسيه ..

_ الهدايا بدون بطاقات ... 💔 تهمني البطاقه اكثر من الهديه

_اذا وضعت كرت او ورقه مع الفاظ حب ورجع وشافها يتصل شفت الكرت .. حركات .. يطلع منك .. وزي كذا 💔 يندم ان الواحد عبر له

_ بالسياره لما اركب امسك يده واحتضنها يسحبها بسرعه ولو في سياره جنبنا احتمال تجيه جلطه مصغره 💔 ...

_اقف واتعب واطبخ واجمل السفره واجهزها يقوم منفسس ياكل ويغسل ايديه كلمة شكر صغيره لا اجدها ومطلوب مني حتى لو جاب كيسة خبز اتشكر فيه اسبوع 💔
قبل مده كان جائع جدا وارسل لي اعملي غداء جوعان فرحت وعملت نوع من الباستا صعب ويبي له مية قدر ونوع سلط وحماس دخل البيت وراح ركض على المطبخ ولقى الباستا لسى تنسلق واللحمه جاهزه والصلصه جاهزه فقط اضيفهم لبعض
والباستا نوعها فيونكات ملونه جلس يسب هذا غداء مليت من برابيسك تسوين لي مكرونه ملونه بزر انا 💔 وهي لسى ماجهزت عشان يحكم
رحت ضغطت على نفسي وكملتها وحطيت الجبن ودخلتها الفرن وطلعت تحفه الفريديه جهزت صينيه وحطيت ورد صناعي خاص بالسفره وصينية الباستا ومشروبه الغازي ودخلت الغرفه وصحيته قلت تغداء هنا قال مابيها قلت بس ذوقها وطلعت وماشالله خلصها كلها وكنت عارفه لانها جدا لذيذه ولا شكر ولا اعتذار عن التهزيء مدري شقول
طبعا قررت معاد ابدع لو اشتهي شيء اعمله لاهلي كله كلمات اطراء وشكر كأني مسويه لهم ذبيحه من المدح وهو فقط رزززز طول عمري ماراح يشوف الا رز وبس 💔

_ اخيرا في امور سخيفه لا استطيع البوح بها سخييييييفه وفي حياة اي زوجين غيري طبعا ولكنها في قائمة الامنيات

_لا اعلم سبب جفاف زوجي القاحل مع اني غيمه ماطره وبغزاره .. لا اعلم لماذا لا يتثقف ويبحث دائم يقر انه مقصر معي وسوف يعوضني ولكن متى هذا التعويض عندما اذبل عندما اكرهه جدا عندما انفصل متى ؟؟؟

للأسف ارى نفسي بمنظار نرجسي واني استحق افضل منه استحق رجلا يشعرني ب انوثتي ف قلبي طيب وابتسامتي جميله ولا اريد ان يفسدها زوجي بتعامله الفض معي .. فكرة الطلاق والزواج من اخر تمكنت مني بشكل فضيع صرت اركز على كيف انفصل اكثر من تركيزي على كيف اسعد معه

شخصيته بداية الزواج الا وقت تخرجي 2013 لم تكن تشكل ازمه بالنسبه لي لكن منذ التخرج الا الان وانا اعاني منه ..

نظرتي السلبيه له بأنه سوف يؤذيني بالمستقبل تمكنت مني كثيرا ف اي قصة غدر خيانه زواج ب اخرى هجر كره قهر .. فعلها زوج بزوجته يخيل لي ان زوجي سيفعلها بي يوما ما نظرتي سلبيه له
لا امان
لا مستقبل اراه معه
لو رأيت ف انا ارى خيانه او زواج من اخرى وسيطرت علي بشكل مهول هذه الافكار لذلك اردد ان انفذ بجلدي منه الان قبل ان اخسر غدا 💔

__________________
أستغفر الله العظيم واتوب اليه