رد: الحل مع وحام زوجتي الصعب.
أكبر غلط لما أخذت برأي غيرك دون قناعه منك
نفوس البشر وطريقة تفكيرهم وأحاسيسهم تختلف من واحد للثاني
عشان كذا إنت أخطأت بطلب المشوره من ناس يختلفون عنك وما جربوا اللي جربته
إنت تتألم وهم يعطونك آراءهم من ورى الشاشات وهم خارج نطاق أحاسيسك
إنت كتبت مشكلتك للفضفضه وقلت خلني أشوف ايش يقولون
ماكنت مقتنع بالرجوع ونفسك رافضه وقلبك جبر
والدليل صبرك لخمس سنين عنها
بس من كلام الأعضاء ونصايحهم وتحريضهم لك بإرجاعها قلت خلني أجرب يمكن كلامهم صح
وجربت
وفشلت
طيب والحل
إما انك تصبر وتحتسب وتكمل
ولا تنسحب
إن كملت ونفسك عايفه عشت حياتك في صراع نفسي وتعب وألم
والعمر ومحدود والحياة صعبه
وان إنسحبت الله المستعان تركتها بجرحين
جرح الندم وجرح طلاقها والطفل اللي توه بيبدأ حياته
الله يسامح من ألح عليك بإرجاعها وكثر عليك بالضغط وهو عارف بنفسيتك
الحل بيد الله وحده
إستخيره
وروح للحرم وادخل الصحن وطول بالدعاء إسأله أن يجعل لك من أمرك فرج
وأن يشرح صدرك ويلهمك رشدك
قلبك بيد الله سبحانه وتعالى هو الواحد القادر على مداواته
فرج الله همك وهمها