فأخبرت اختي الكبيره المتزوج عن كل شيء اراه يحصل ف البيت وعن اخطاء امي ..
واتفقنا نكلم خوالي عشان يتدخلو بالموضوع .. لكن ماقلنا لهم انو في رجل ..
بس قلنا انو امي طلبت الطلاق ..

وحاولو يهدأو الموضوع والحمد لله هدأ الموضوع فتره ..


لكن امي كرهتني انا واختي تقول انتو اتهمتوني اني اكلم رجال >>> مع انو احنا ماقلنا كذا ..

لكن خوالي كانو شاكين من اول بسبب تغيير امي المفاجئ .. وتصرفاتها ..

ابتعدت عن الناس كلها عن اخواتها اخوانها وعن جدتي وكل قريباتي صارت منعزله مع جوالها والرجل الي تكلمو ..

المهم صارت تحقد علي انا واختي بشكل غير طبيعي .. مع انو اختي متزوجه وفي بيتها لكن الضحيه انا .. صارت تضيييق عليا في البيت انا وولدي .. تعمل مشاكل معايا انا وابويه .. وابويه يصدقها بكل كلمه تقولها مع انو انا واختي وقفنا مع ابويه لما طلبت الطلاق وساعدناه وخففنا عنه . والان صار بصف امي وانقلب ضدي انا واختي ..
ويجرحوني كثير ويهددوني بأن اترك الوظيفه مع اني متوظفه عشان اشيل نفسي وولدي واشغل نفسي عن الهم والتفكير ..

امي مازالت تبغى الطلاق وهي تفكر بأن تسحر ابويه لكي يطلقها ..
وتخرج اوقات من البيت لتقابل رجل الأعمال . وتتصور وترسله صورها . وانا ساكته ما اقدر اعمل شي ..
احس البيت يتشتت وراح يضيع ..


اقسم بالله اني تعبت نفسييا
ايش الحل تكفون ساعدوني ..ولو بدعووه يمكن فيكم احد دعوته مستجابه