رد: زوجي و الراتب
شروقة حبيبتي
جربتي ردة فعل ثانية غير انك تسكتين؟
اذا ايوه قوليها..
مثلا يعني في مرة استخدمتي اسلوب الالة الحاسبة حقه؟
لان ولا تزعلين مني انقهرت.. هل كنتي متخيلة بحياتك لما تقدم لك وقبلتي فيه وتغربتي عن اهلك او باول يوم زواج انك بعد 10 او 11 سنة بيستمر الوضع انتي شايلة مسؤولية البيت من اهتمام وتربية وحراسة بايام الاسبوع وزواج ثاني مع هذا يزيد ايام غيابه ووضع الدوام اللي انوعدتي يتحسن وماتحسن وبالنهاية يجي ضيف بس بالويكند
يعني على الاقل التعويض يكون بالماديات
لو قلنا انه مو مقتدر معذور شوي بعد مو مرة معذور!
نفس ماقلت لك مشكلة زوجك ماتعود عالمسؤولية بحكم طبيعة عمله وهذا اللي صدمه وأزم وضعه بعد ماتزوج الثانية
لو الوضع فعلا صار مثل ماهو يبي.. معناه فعليا بيكون مجرد ضيف يزوركم بالويكند وهذي غبنة
هو مثل ماقلت لك جدا خايف تستغنين.. لكنه مايدري انه كذا قاعد يسحب نفسه من حياتك
انتي ارمي كلمة مبطنة تلميح بمعنى اذا الوضع كذا بيصير انت اللي بتخسر وبكتشف بيوم من الايام ان وجودك صار يثقل علي مو قاعد يساعدني..
واني فعلا اقدر اعيش بدونك..
عالاقل المادة تشعرك باهميته..
اشراقة لو تحول الوضع لكذا بتبطلين تحترمينه لانه فعلا بيكون على الهامش.. لذلك لاتسمحين له ولا لنفسك توصلين هالمرحلة
حرام بعد كل هذا تخرب علاقتكم على ماديات بعد تعبك وشغلك على نفسك وعليها
أحبك 💜
__________________
اختلافي عنك لا يعني اختلافي معك
التعديل الأخير تم بواسطة VANITY ; 28-09-2015 الساعة 05:51 PM