المشاركة الأصلية كتبت بواسطة رائحة البخور

تطور جميل يآ اسرار

بس ليتگ ماتسرعتي بقولة نرجع لبعض
بس خيره صار عنده علم برغبتگ ع الاقل

شوفي لو هو رافض الفكره وعايف كان قال :
احنا انتهينا والله يرزقگ بلي يسعدك

بس سكت ، وهذا مؤشر حلو ، بس لاتزني خلص

الافعال يا اسرار ( الافعال ) افضل من الالف الكلام
افعالك السسنعه مع ابنگ ومعه ، واحترامه ، تقديره وتوجيبه زي حياگ ع القهوه
او تستآذني منه بمشوار لك انتي والولد وتبي شوره

ارسلي له بين فتره وفتره زي ماقلت لگ صور ابنكم بلحظات حلوه
ارسلي له رسايل جميله على لسان ولده موجهه له

الرجل زي الطفل تقدري تُجُريه لگ باللين والكلام الناعم والهداوه مع الثقل والرزانه
اشتري لبس حلو لولدگ ( مو بناطيل وتي شيرتات ) لا
ثوب وسبحه وساعه وشوز شرقي واطلبي رائيه
قوليله وش رائيك برجالي الصغير وكشخته ، زي كشخة ابوه

اشتري علبة عطر عود ثنتين وحده للولد ووحده قولي هذي هديه من ولدنا لگ يا بابا بمناسبة العيد
متى تجي تآخذها مني

ارسلي صورته مع ولدگ ركبيهم عبعض مع تعليق ( ربي لاتحرمني من احب قلبين بدنيتي)

خلي رجله ترجع تآخذ ع بيتكم بالحنيه واللين
خلگ سنعه وعاقله بكلامك بس بثقه وثقل وذكاء

تشطري يا سرار ، الله يلم شملكم يارب عاجل غير اجل