اسعد الله اوقاتكم بكل خير جميعا...


اشراقه قلبي ...
عسولتي لاتكلميه ولا تناقشيه بشي
بتسببي خلافات مابينكم وماراح تستفيدي شي..
وبيرجع لنفس الموال بعد فتره
الحل ي قلبي انصحك نصيحة محبه
خوذي قرض كبير واستثمريه بأرض او بمشروع ادخلي بجمعيات صفري حسابك وياليت عندك حساب ثاني تحولي فيه بدون مايدري
عشان لايشوف فيه شي فايض عندك
ولا تبيني النعمه اللي عليك عندو
مثلا الكماليات حقتك لاتشتريها معاه فبيحس انو عندك فايض تلعبي فيه بيتكم وعيالكم وهوا اولى فيه
زوجك عندو حب امتلاك مو عشان خايف انو تطيري منو لا
عشان هو يشوف زي ماقلت لك انو هالمال اللي تلعبي فيه انتو اولى فيه ..
متعي نفسك معاه بين فتره وفتره
والكلام اللي يقطه عليك رديه له بنفس اسلوبه
مثلا اليوم اشتريتي لك وله
بعد فتره رديها له خليه هو يشتري واذا رفض علقي بنفس اسلوبه بمزح وضحك
خوذي منو ع قد ماتعطي..
اذا حياتك مستقره مع زوجك
وزوجك طيب ومتوسمه منو الخير ضبطي بيتك واستانسي
واذا العكس لاتسووي في البيت شي
انا تركت في بيتي كنبات بحسابي جايبتها
وكماليات مطبخ وثلاث ارباع البيت مأثثته من حسابي
ولما تركت بيتي مااخذت شي
ومو متحسفه كان بيوم بيتي ...
بالتوفيق ي قلبي 😙😘😚

__________________
(سيدة الموقف)
لم ننساك ونسأل الله ان تكوني أنتي وأولادك بخير