منتدى عالم الأسرة والمجتمع - عرض مشاركة واحدة - عدم مصارحة زوجي تتعبني كثيرا ,,ابكي ليل نهار

30-12-2004, 12:11 PM

همـــســـة

عضو مميز ومثالي

تاريخ التسجيل: May 2004

المشاركات: 385

عزيزتي أم فرح ..

مساء الشوكلااااتة

هلا بيج ملايين عزيزتي .. وانا فاهمة جيداً ماتعنينه
وماتقصديه !

فماعليكِ الا مصارحته بشكل جديّ
ضعوا معاً النقاط على الحروف .. قبل لايتغدا
بعد مايتغدا اي وقت كمليه قولي له
انت خذيتني من بيت اهلي وحافظت عليّ ومااشوف بعد الله غيرك
انت صرت هليّ
وانا افديك بروحي لكن يابعد عمري انا امرّ بفترة متعبتني
يهون عليك ماتساعدني ؟!
انا احتاجك ابا اكلمك .. اذا انت ماكلمتني انا راح اتعب اكثر
معقولة هالشي يرضيك ويريحك؟!
وكلميه عن الي بخاطرج .. كلميه وانتِ بحضنه
كلميه وراسج على صدره عشان يحس فيج اكثر
اكيد دموعج راح تسيل لان مشاعرج المتألمة صادقة
وملييييييون % راح يتأثر ويوقف معاج لانه زوجج ويحبج .

عزيزتي كلنا بشر .. مشاعرنا مثل الامواج تهدأ وتهيج
والاهم انج ماتكتمين بصدرج مشاعرج ..لانج راح تتألمين بدل المرة مليون مرة
نحن نحتاج الى المشاركة في كل شي .. خصوصا مشاعرنا سواء بالفرح او الالم او الضيق او الملل او البهجة ..

تحياتي لج عزيزتي وحياة موفقة