رد: كوفي شوب الصبايا (3)
صح شيهانة من التفكير .. بس مو بالسفر .. امور ثانية ..
اخوي ملكته الخميس فأنا بروح يومين عشان عندي دوام وبناتي مدارس وبرجع الخميس ..
والشي الاكبر ان اهل الخطيبة امس دقو على اختي وقالولها الحفلة اجلناها الى الاسبوع الجاي .. يعني الخميس خذا الملكة لازم اجي .. والاسبوع الجاي حفلة الخطوبة وبعد لازم اكون حاضرة.. انا عصبت وطلعت من طوري .. وقلت حق اخوي ربي يوفقك انا ماراح اجي الاسبوع الجاي ..
واخوي عصب عشاني وتضايق وكلمهم وقال اما تسوون الحفلة هالاسبوع عشان اختي او خلاص لا تسوونها .. فقامو الغوها ..
اساسا من قبل اقترحت عليهم الملكة والحفلة في اجازة العيد عشان ما اروح وارجع ماوافقوا .. ولا حطولي اي اعتبار .. ورضيت وقلت معليه بضغط على نفسي وبسافر يومين وبرجع عشان اخوي .. الحين يبوني ارجع للمرة الثالثة واا راعو ظروفي وانا الاخت الكبيرة اللي في مكان امي..