السلام عليكم اختي اشراقه

قريت اول صفحه وعلى طول رحت ارد

اختي اشراقه بعض الاشخاص تصدر منهم تصرفات مايحسون بحجم الغلط فيها
او تآثيرها على الغير

عندي اخ قريب جداً لي
لو نطلع لمطعم اللي يشوفنا يقول هذولي اعداء
نتحاسب على الهلله من القهر
واذا اخذ من جيبي لو ريال ازن عليه لين يرجعه حتى لو اقعد سنه كامله
ويعايرني على راتبي واعايره على راتبه
لكن انا وهو فاهمين لبعض ونعرف ان كل هالتصرفات تصدر مزح
مع اني احلف لك لو يشوفنا احد مايصدق كلامي
لكن انا راضي وهو راضي ولا لحد دخل فينا
في احد المرات جاني شخص صديق لي ولاخوي
كلمني عن اخوي ويقول انه مايحترمك وطمعان عليك باربعين ريال دفعها لك لازم توقفه عن حده ويكون عندك كرامه
مع العلم ان تصرفاتي مع اخوي ماتصدر الا قدام الناس القريبين لنا مره علشان الناس اللي مثل كذا مايفسرون على كيفهم

الصديق هذا مايعرف ان اخوي اشترى لي سياره جديده قيمتها فوق المية الف ريال
باسمي واعطاني اياها هديه ولا علم احد
ولا فيه بيوم جاب طاري انه هو اللي اشترى السياره او صدر منه تصرف يبين انه يمن علي بشراءه للسياره

اللي حاب اوصله لك يمكن هو يشوف ان هذا الشيء عادي ممكن يشوف انه مزحه
التصرفات اللي انا اسويها مع اخوي مستحيل اسويها مع اخواني الباقين او احد اصدقائي
لان بتصير حساسيه

لكن اخوي يعرف اني ماراح ازعل من اللي يقوله وانا اعرف انه مراح يزعل من اللي اقوله

والصراحه هو الوحيد اللي مريحني من الناحيه الماديه من بين اخواني
يعني اخوي الكبير اذا طلب مني اشتري له عطر قيمته ٥٠٠ ريال استحي اقول له عطني قيمة العطر
حتى لو اني بحاجة الفلوس او مخطط على شي مثلاً صيانه للسياره او اثاث للشقه او سفره مع الاصدقاء

لكن اخوي هذا اشتري له العطر واقول له عطني حقي من العطر سيارتي تحتاج لصيانه او اني ابشتري اثاث جديد وقاعد اجمع
او حتى ما يحتاج اقول له السبب وطبعاً هو بيقول لي يابخيل ياطماع يا مادري ايش انا اخوك وبيرجع لي الفلوس وهو يضحك