رد: زوجي و الراتب
تكلمنا في الموضوع هو اللي بدأ.
قال الحركة اللي سواها عند الكاشير متقصدها يبغى يختبرني ويبغى يشوف هل انا حاقول له خلاص هات الجهاز ادفع معاك و لا ماراح يهمني .
وانه انا للأسف فشلت.. !
وطلع هو مو غالي عندي لانه مبلغ بسيط زي هذا رفضت ادفعه لشي هو نفسه يجيبه وكان المفروض اقول له خذه هدية لك مني
قال : هو ما قصر معايا وكان متأمل اذا توظفت أوقف جنبه واساعده في كل شيء.
وهو خلاص ماعاد يبغى مني شي ولا حيطلبني .
وطبعا كل الكلام اللي قاله بنظرة حزن وخذلان
قلت كل اللي عندي له وعددت الأشياء اللي دفعتها وبدفعها
قال لا تحاسبيني وتقولي انك بتساهمي على كماليات تشتريها للبيت او للصغار .. انا هذه ما تهمني
واضطريت اقول له : معليش انت فاتح بيت ثاني وقاعد تطلب اساهم في كل شيء
قال :عارفك هذا أساس تعاملك كله! وأساس كل مشاكلنا