متابعة بصمت بس الله بيعرف ئديش عم ادعيلك حبيبتي الاشراقة
بس لفتتني عبارة انو من فترة صار يقلك انو تاخدي قرض وتبيعوا هيدا البيت

هل حسيتيه ندمان انو كتب البيت باسمك
وفي حال بعتوا البيت واشتريتوا واحد جديد
هل طرح عليكي كمان انو ينكتب البيت الجديد باسمك او باسمه

لانو حبيبتي متل ما قالوا قبلي انو اغلب الاحيان المادة بتخرب الحياة الزوجية او بالاصح العلاقة بين الزوجين

وهالشي لا انت بدك توصليلو ولا زوجك

بس برشح اكتر شي السبب خوف زوجك من انك بالفعل قادرة تستغني عنو وزرع هالفكرة براسو

وعم يختبرك ليأثبت هالشي لنفسه اذا صح او خطأ بس للأسف طريقة اختباره غلط
وهالشي عم يتعبك وعم تتراكم المواقف ورا بعضها
ولتحدي من تراكمها لازم المصارحة بس بوقت انت تشوفيه مناسب لكليكما

وبالمصارحة لازم تظهري لزوجك انو انتي كتير متضايقة من اسلوبه وضغطه عليكي
وانو ما في فرق بين المرأة والرجل والمادة شي رمزي وما بدك علاقتكن تخرب بسبب المادة لانها بتروح وبتجي ومش دايمة

ذكريه انك مشتاقة للانسان اللي كان قبل وقوليله بعرفك كريم ومن قلبي بقدملك من دون مقابل ومن دون حسابات عالورقة والقلم
بس وقت عم تعاملني هيك عم تخليني خاف وفكر معقول المادة غيرت زوجي اللي كنت بعمري ما فكر رح يحاسبني على فنجان الكابوتشينو
قوليلو انا ممكن قدملك او قدم لاولادي بالألوف مش بس بالمئات
بس بنفر وقت شخص يحسسني بتعامله كأني شخص غريب و يتقاسم معي شي بالرغم من قيمته الرمزية

قوليلو صحيح انا موظفة لو مهما كان راتبي
بس بضل انثى بتحب تحس انو زوجها هو الامان والسند الها
وهيدول زوجك اللي عم يسعى ليحس انو انتي بحاجته
كرمال هيك تعي من هالمنطلق وجربي ما رح تخسري شي

ومن بعدها حطي النقط عالحروف انو ما في فرق بيناتنا بس ما تحاسبني وتعاملني كأني شريكتك بالبزنس
قوليلو انا بحب اطلب منك 20ريال لفنجان الكابوتشينو هالشي بيسعدني انو حس زوجي عم ينفق عليي ولو شي رمزي
وكمان قوليلو انا مقابل ال 20ريال ممكن جبلك هدية ب200ريال وما عندي مشكلة بالمال وما بدي اعمل مقارنات
لانو وقت قدملك شي بقدمه من قلبي من دون ما فكر بقيمة المال

مشكلتي الطريقة اللي عم تعاملني وتحاسبني فيها بسبب المال
وشددي على انو ما بدك تخرب علاقتكن بسبب المال

هيك بتكوني ما اعطيتيه ضو اخضر انو تتقاسموا كل شي بالنص
وبنفس الوقت حسستيه انك بحاجتو وانك مش بخلية بقدر ما انك رافضة اسلوبه

ربي يريح بالك ويسعدك دنيا وآخرة 💖💖💖💖

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه