عزيزاتي انا فاهمة اشراقة هيي متضايقة لانو زوجها صار هيك بالفترة الاخيرة
مش همها البيت ولا المال بقدر ما همها تعامل زوجها معها
مثال انو يستكتر عليها لوح شوكولا وهالشي بيترك اثر كبير بالنفس مع ان قيمته ولا شي
لو الاشراقة مادية كانت نظرت للبيت وللمكسب
بس هيي عم تفتش على زوجها القديم
انا زوجي كاتبلي بيت من تلات ادوار وارض كمان بس هيدا ما بيعنيلي بقدر ما بتعنيلي امور وتفاصيل صغيرة
شو نفع زوجي يكتبلي مال الدنيا ومعاملته اتغيرت معي
شو نفع هيدا كلو وقت حس اني عم عيش مع انسان مش هوي ذات الشخص اللي كان من قبل
ونفس الشي اتحملت ومريت بظروف صعبة وبعمري ما حاسبته على هالظروف
فاكيد ما رح اقبل الناس تحاسبني انو كتبلي البيت فلازم اتحمل واتحمل وبالاخير
وداعا للصحة ووداعا للاعصاب فشو رح يرجع يفيدني البيت

اختنا عم تعيش سيناريوهات عم تتكرر دائما وبابسط الاشياء
وبدها تلاقي حل لهالشي
بدها بيتها يعمر ما بدها تهدم حياتها الزوجية
بدها راحة البال
هيدي هيي كل القصة
وقت نصير نقارن بالماديات بتسقط الحياة
المعاملة والتقدير وتحمل المسؤولية قبل كل هيدا

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه