رد: زوجي و الراتب
قبل قليل صاركم موقف وأعتبر نفسي إني عرفت أعديها..
الأول : وقف عند الصراف بس من الجهة المعاكسة جهة شباكي الأمامي لأنه كان أقرب.. طالعنا في بعض استناه يناولني بطاقته اصرف له، الا ابتسم وقال اصرفي هيا 50 ..
ابتسمت وطلعت بطاقتي وصرفت أعطيته وماتكلمت ولا كلمه.. هو كان بيعطيها السواق يجيب أشياء
ومشينا.. قال: ترا راح احولها لك
.. قلت لا بسييطة ايش دعوة عاد عيب (طبعا تقصدت )
الموقف الثاني : وقف الصيدلية يشتري لنفسه فيتامين سي.. الا وهو نازل قلت له لحظة ابغاك تجيب لي فرشة أسنان وفتحت شنطتي طلعت المحفظة، قال: لا خلاص اشتريها من عندي باكسبريس !
الموقف الأخير: اشتريت كريم للوجه قبل يومين وخبيته عشان لا يعلق.. واليوم في الصبح مستعجله وحطيته مع فرش المكياج على التسريحة، وشافه دوبه
قال لي : ماشاء الله كريم جديد وغالي
قلت ايوة بشرتي تعبانه.. وقرات الناس يمدحوه جبته
الا فتح الكريم وصار يحط على وجهه ويطالعني من المرايا ويضحك باستفزازية
قلت ليه تضحك؟
قال: ابدا باحط من كريمك،
قلت له حلالك و فداك !
قال: شكرا
.
.
حسيت بأتعامل مع واحد من أولادي الصغار.. مداراه ومسايسة
طبعا هذا كله في هذه الساعتين