إشراقة
زوجك رجل بمعنى الكلمة ويعتمد عليه وقت الرخاء والشدة .. أعطاك الأمان والحنان والحب والمال وأغلب ماتحتاجه الزوجة.. وقف معاك مواقف رجال...
..

برأيي
هو يرى أنه تصرف معك على أساس أنكم واحد..روحكم واحدة وهدفكم واحد وهو تأمين مستقبلكم.. بناءا عليه هو وضع مايملك بين يديك وتحت تصرفك..يعني استأمنك ووضع ثقته فيك..بكم هذه ياإشراقة؟؟

زوجك أعطى قبل أن يأخذ ..وبعد وظيفتك يريد المشاركة والتعاون يعني رايته بيضاء..ماهو من النوع اللي ياخذ ومايعطي ولا هو من النوع اللي يستخسر كل شي فيك..

أنت والله أعلم زواجه الثاني أفقدك الأمان نحوه تماما...
+أسلوبه وطريقته التي يستخدمها معاك كرهتك فيه ونفرتك منه..

عشان كدة تبين تفصلين حقوقكم عن بعض..تبين تتصرفين على أساس أنكم شخصين...
رافضة أسلوبه معك رافضة طريقته..مرة تعتبرينها استغلال ومرة تعتبرينها استرجاع لما أعطاك ........الخ من وساوس ابليس

المهم إنك مسلمة نفسك للشيطان وهو جالس ينفخ براسك ويشحن قلبك..ابليس شاف شغله معاك تمااااام..

ياإلشراقة أنت رافضة زوجك باالأسلوب الجديد ومو متقبلته تقولين هذا مو نفس الشخص...

زوجك صادق وواضح ماعنده لف ولا دوران.. يا إشراقة لو كنت من بداية زواجكم موظفة لكان زوجك بنفس هذا الأسلوب معك...

أرجوك راجعي نفسك وهدي حالك..
زوجك يريدك ويحبك وشاريك...مو معقولة عشان صفة واحدة تغيرت فيه تنسين عشرته الطيبة...

هو يبيك تشاركين بطريقته وإنت تبين تشاركين بطريقتك..وهذه بسيطة بإذن الله وحلها يجي مع التفاهم والوقت والأيام...

أنت طيبة وكريمة والطيبون للطيبات والزوج الطيب مكسب مايتعوض..لذا أصلحي الخلل اللي حاصل بينكم وعالجي مشاكلكم وأحيي بيتك حياة طيبة..

وماله داعي ترجعين له اللي صرفه عليك في دراسة ونحوة.. لأن زوجك مو همه يسترد شي..ولا هو متمنن عليك بشي..وراح تصغرين بنظره..