المشاركة الأصلية كتبت بواسطة الرااسي

شوفي هو دخله شك من ناحيتك، المقصود بالشك هنا في الحب والتضحيات، اتركي موضوع زواجه من ثانيه على جنب وكأنه ما صار، هو باعتقادي يرا أنه ضحى لأجلك ومحبة لك حتى في أمور كبيرة ومن ضمنها انه كتب لك بيت باسمك وهذي اعتبرها تضحية وثقه قويه كانت موجودة ومحبه مفرطه..

هو ما ضحى هذه التضحية الكبيرة الا عشاته عارف نفسه ضحى بحياتنا الحلوة وعلاقتنا القوية عشان شهوة مؤقتة عابرة ..


بعد ذلك دخله شك لسبب او لآخر وقد يكون قلة اهتمام منك أو بسبب سخاء الزوجة الاخرى وعدم اهتمامها بالمال وأنه هذا زوجها وكريم وسخي وما بيننا أي حسابات بحكم انه رجل مفرط في الكرم مع زوجته، فاعتقد انه الشيطان وسوس له وحب يستوضح وضعك منه وانه هل انتي تنظرين له بنفس المنظور اللي ينظر لك هو، وهل ممكن انك تضحين لانه غالي ويستاهل..

مو هذه المشكلة !
بعض الناس يبغوا يغلطوا ويجرحوا في غيرهم وفي المقابل مايبغوا شيء من الحب والإهتمام يقل !

ويتوقعوا انه المفروض كل شيء لازم يبقى على حاله وكأن شيئا لم يكن


انا أرى أنك تكسرين عينه باسلوبك، هو جالس يجس النبض وخايف انه يتحسف على ما قدمه لك، فلذلك لا تتركين مجال للشيطان ابد، أكسري عينه فترة من الزمن واحرجيه عند الحساب مثل الموقف الاخير وقولي له لو صار عليك شي من الدنيا لابيع روحي علشانك، والفلوس حنا اللي نجيبها مو هي اللي تجيبنا، واللي مثلك تفداه الروح… الخ


طبعا الاحتمال الاكبر بينحرج كثير ويتغير الموال اللي براسه، ايضا للضرووورة يجب عليك الجلوس معه جلسة مصارحة حينما يكون هادئ البال ومروق عالاخر وتكونين انتي كذلك ايضا وفي كامل جمالك، ارتمي في حضنه واشرحي له انه تاج راسي وبعد روحي تغير، وان الفلوس مو مهمه واخر شي افكر فيه من ناحية زوجي، وزودي عليها دمعتين اني متعذبه هالايام وانت ما تدري واذا تبي فلوس خذ بطاقتي وروح اسحب اللي تبيه بس لا تعذبني، ووضحي له انه هدفك انه هذا دوره في الحياه وانه سندك وطول عمرك تشعرين بالأمان بوجوده، وانه المواقف اللي صارت في الماركت والمطار احزنك كثير، وهيك حكي واملحيها بكم دمعة وكم حضن وتنتهي مشكلتك، طبعا كوني منهارة امامه وانك في حاجته وانك الايام الماضية متشتته وتعبانه وملاحظه تغيره وتعامله الجاف..

وعلمينا بردة الفعل، لانه لازم يوصل لذهنه رسالتين، الأولى انك ما فكرتي في الفلوس تجاه زوجك وان هذا اخر اهتمامك مثله بالتمام في الماضي، والثانيه انك انثى ضعيفه ما تقدرين تستغنين عنه لاني اشك انه دخل باله انك ما حسبتي لوجودة حساب وانك تقدري تعيشين بدونه..

اقرأي ردي زين وعطيني مرئياتك ، وانا عارف ان النفقه واجبه عليه ومتزوج ثانيه وهالامور قرأتها كلها لكن اتركيها جانبا فأنا اعتقد ان المسأله وقتيه