أم خالد
عجبني تفكيرك في اقتراحك..
عموما ابني تخصص شرعي..ماجستير والآن بيحضر الدكتوراة..

أنا طلبته يحفظ أولاده القرآن عشان ينشغل أكثر وبالمرة يحفظ هو كمان معاهم ..وفعلا الحمد لله بيحفظهم بنفسه...

حطيته في مواقف صعبة وخليته يواجه مواقف عشان يفهم وش يعني مسؤولية بيتين..

الولد ماشاء الله أذكى مني في كل موقف يضحك.. كل مرة يقول غللللبتتتتك مامتي.


المهم
زوجته أمس بالليل طلعت عندي في غير أوقات الزيارة وهذه أول مرة تسويها..
في الأول كان زوجي موجود..كانت رسمية في الكلام منحرجة ..بعدين زوجي قام لغرفته عشان تاخذ راحتها..

طولت بالجلوس وماقالت شي مهم وكانت تتكلم بتحفظ.. صرت أنا أحاول أرفع الحرج عنها ..

لما بدأت تاخذ راحتها في الكلام سألتني خالتي من أقرب واحد من عيالك لك؟؟
قلتلها الصراحة كلهم قريبين مني..مافي فرق بينهم..
وأحمد؟؟
أكيد قريب مني وهو الكبير والأب الثاني للجميع..

قالت وحريم عيالك؟؟
كلكم عينين براس.. بس ليش تسألين؟
إذا احتجتك بيوم تكونين معي ولا ضدي؟

قلت إنت تجاوبين مو أنا.
قالت خالتي لو ماحسيتك أمي الثانية ماكنت جيتك بهالليل كان رحت لأمي..

قلبي مغصني قلت في نفسي يا الله سترك الظاهر وقعت الواقعة..😦

المهم طلعت جوالها وسمعتني محادثات بيني وبين ولدي..أثنيه عن عزمه..(أرسلتها من جواله على جوالها)
طبعا ماسمعتها بالكامل لأني مغثوثة ومايحتاج أسمع..

نزلت برنامج تسجيل محادثات على جوال ابني وكانت تسمع المحادثات اللي بيني وبينه أول بأول..

قلت لها وش اللي خلاك تنزلين البرنامج على جواله؟؟

طالعت فيا بصمت وعيونها دموع.

سألتها أحمد مافتح معك الموضوع ولا جاب لك سيرة..؟؟؟
اي خبرني وأنا كنت أحسبه يمزح زي كل الرجال..ولما زاد كلامه نزلت البرنامج عشان أراقبه..

طبعا كل كلامها والدموع منهمرة من عيونها شلالات..

ماواجهتيه بالتسجيلات؟؟
قالت ماأبيه يحس بيوم إني راقبته أطيح من عينه ويفقد ثقته فيني..

قلت لها والحل؟؟
قالت معرف استخرت ربي وجيتك ماعرفت أروح لمين..

قلت لها أحمد ليش يبي يتزوج ثانية برأيك؟؟
بينكم مشكلة سبب قوي..؟؟

أبدا والله ياخالتي أنا لو لفيت الدنيا كلها مالقيت مثله أنا أحبه وهو يحبني ومصدومة فيه..

هو لو لف الدنيا بيلقى زيك؟؟
هو يقول إنت مافي منك وإنت زين الحريم.
خالتي أنا مصدومة أحمد جاد كنت أحسبه يمزح.

بعدما عرفتي كثفتي اهتمام ودلع ولا زي ما إنت؟؟

لا ياخالتي مايستاهل دلع وحب أنا بديت أكرهه..
وشوي تقول لا ياخالتي أحبه.

المهم البنت تتكلم وتبكي وماتدري بنفسها وش تقول..

أخذتها بحضني هي تبكي وأنا أبكي..
قالت خالتي أحمد اشتكى مني قال إني مقصرة في شي؟

أبدا والله ورب الكعبة دايما يمدح فيك ويثني عليك..

قلت لها أبي أسألك سؤال وإذا ماتبين تجاوبين حقك..
قالت اسألي خالتي اللي تبينه.
قلت لها علاقتكم بالفراش كيف؟

قالت والله ممتازة خالتي عمره ما اشتكى مني وأنا مااشتكي منه.. خالتي والله مابينا أي مشكلة..

قلت لها تبادرين ولا كل مرة عليه..؟

قالت خالتي مرة أنا ومرة هو مافي نظام .

قلت لها تحرمينه لا زعلتي منه؟
قالت اي

قلت لها أجل جربي ماتحرمينه نهائيا مهما تزاعلتو
وزيدي حنان واهتمام
وكثري عليه هدي حيله
جربي منتي خسرانة شي

ثم ليش هو الحين نايم وإنت مو جنبه؟هذا نظامكم؟؟
قالت اي أنا أنوم العيال وأنومه وأسهر بالصالة للصبح لما يطلع للدوام أنام..

قلت لها غيري نظام حياتك نامي معه واصحي معه وجربي ماتفارقينه يمكن تقربوا من بعض أكثر..

كل شي يحبه احرصي عليه..وخليك ممثلة دور اللي ماهي عارفة شي... لحتى نشوف الله وش كاتب..

خالتي يعني ممكن أحمد يهون؟؟
خالتي أحمد عنيد وإذا حط شي بباله يسويه؟
قلت لها ما هو أقوى من ربنا.. أمر الله هو اللي ينفذ..
وصيتها تصلي الليل وتدعي وتستغفر وتتصدق وتقرب من زوجها أكثر..وتجدد حياتهم...

ضعيفة بكت بكت بكت ليت تغيرت ملامحها..
قلت لها إذا منتي قادرة تصبرين وتتحملين خلاص نتكلم مع أحمد على المكشوف..
المهم لا تكتمين بقلبك لا يصير فيك شي..قالت لا بصبر .

كان الكلام كثيييييير وطويل لكن هذه هي الزبدة.

عموما أنا قبل يوم أو يومين سألت ابني سؤال مباشر إذا كان هناك مشكلة خاصة..
نفى تماما وأثنى على زوجته..

الله المستعان..