منتدى عالم الأسرة والمجتمع - عرض مشاركة واحدة - محتارة .. هل اكمل تعبئة تقسيط سيارة لزوجي !
عرض مشاركة واحدة
قديم 05-10-2015, 10:52 PM
  #41
زين ابيها
مراقب عام
تاريخ التسجيل: Jul 2014
المشاركات: 5,689
زين ابيها غير متصل  
رد: محتارة .. هل اكمل تعبئة تقسيط سيارة لزوج

احبه

في اغلب ردودج تكررين اللي سواه لج زوجج ، احنا مقتنعين ، بس من خلال التكرار واضح ان تبين الاعضاء يدعمونج بقرار انج تساعدينه..
لان اساسا انتي بداخلج تشعرين بتردد وخوف

واحنا فعلا ندعمج ، ومحد لامج ، و زوجج والنعم فيه ويستاهل ، وانه لو كنت مكانج بساعد زوجي اذا احتاج ، بل ان ما باخليه يكتب السيارة بإسمي الا بعطيها اياه فدوة لعيونه...

لكن يا احبه كل ما مر موقف تغنين له موال انه ساعدتك وضحيت وعطيت
احبه.. انتي لو منتي مترددة جان ما نزلتي هالموضوع... جان حسمتي امرج وقلتي بساعده.. والموضوع ما يحتاج استشارة .. بس ترددج واضح جدا

احبه .. اذا تحسين نفسج مو كل شوي بتغنين له : انه عطيت وضحيت ووو
ساعديه..
اما كل ما ضاق صدره وعاملج بجفا ، مثل اي زوج و زوجة تمر عليهم ايام ما لهم خلق بعض .. ولا لهم بارض مزح وابتسامة و ريج حلو... بتجين تقولين له ما بينت بعينك تضحياتي!

ترى صدقيني صدقيني صدقيني .. اذا ساعدتيه ومن اول موقف ذكرتيه بمساعداتج بتخلقين بينج وبينه فجوة كبييييييرة ما بتقدرين تردمينها ولا تصلحينها...
__________________
حاجة الناس إليكم من نعم الله عليكم ، فـ لا تملوا النِعم ☁✨