رد: كيف تصبح الزوجة مهتمة بالطبخ يوميا ؟
اقتباس:
المشاركة الأصلية كتبت بواسطة mimomea
ماشاءالله تبارك الرحمان
صادقة بكل كلمة
بالفعل الاكل الصحي ما بنلاقيه الا بالبيت
وانا اجمالا بالاسبوع يوم او يومين بالكثير اجازة من المطبخ
وبناكل انا وزوجي بالخارج بيتزا وسلطة او خضار مع رز وسمك وسلطة
ومرات قليلة برغر نباتي وسمك من الماكدونالدز
بس اطفالي بس مرتين بالشهر بطعميهن من برا وباقي الايام بالبيت
انا اليوم مسؤولة عن صحتهن بس وقت يكبروا ما رح اقدر امنعهن
اللي بقدر اعملوا انو علمهن يحافظوا على صحتهن قدر المستطاع
وبالنسبة للميزانية بالفعل فاتورة العشا الي ولزوجي فقط مع الحلو بجيب فيها اغراض للاكل لمدة اسبوع وهيدي حقيقة وواقع
وغير هيك كل انسان بحب يلاقي الاكل جاهز وبس يستمتع بالاكل
بس المشكلة انو الاكل من برا ما عليه رقابة والزيت بيكون انقلى فيه كذا مرة يعني راحة من هون وخسارة الصحة من هون
ودايما الاكل من ايد الام الو نكهة غير بسميه مشبع بالعاطفة
بالرغم من مرور سنين على زواجي ومهما كون أكلة وشبعانة
بس زور بلدي وكون عند ماما بجوع بحب اكل من اكلها دايما ولو كنت اكلة قبلها بلحظات
احساس مش طبيعي
وماما نفس الشي بتقلي كل ما روح لعند جدتك بفتح البراد اول شي وباكل من اي شي عاملته
وللزوج دور كبير بتشجيع الزوجة على دخول المطبخ
انا بعد 14سنة زواج للان مرات بعمل مائدة اشكال والوان وعدة اصناف
ومرات بس صنف او صنفين
ومرات بكتفي بيض مع خضار او تونة مع خضار او بطاطا مسلوقة مع خضرة
وبكل المرات زوجي واولادي بيحسوا بسعادة وراضين عن الاكل وبيحمدوا ربهن على هالنعمة
بارك الله بك اختي الفاضلة وجعل في كل حرف تخطينه حسنة في ميزان حسناتك
متابعة بإذن الله
احترامي
|
رائع جداً جداً
mimomea
ليتكِ تعلمين شعوري و عظيم امتناني لكِ
جزاكِ الله خير الجزاء و أسعدكِ مع أحبتكِ .
__________________
أستودعكم الله الذي لا تضيع ودائعه .. و احفظوا عني :
إن لم تكن إنسان إرادة تلتزم بفعل ما تريد فكن إنسان شغف و أحب ما تريد الالتزام به و ستنجح بإذن الله .