عضو المنتدى الفخري [ وسام العطاء الماسي ]
تاريخ التسجيل: Jul 2014
المشاركات: 2,301
رد: تدهور علاقتي مع ابني المراهق
ياحبيبتي ملكة غاليها
ليش تجري الحوار مع ولدك لمنطقه ممكن انه يقل ادبه فيها ؟؟
دخل دورة المياه وتآخر دقي الباب عليه وان طلع قولي له حبيبي الله يعافيگ لاتشغل هالحمام واستخدم حمام ثاني لو بتتآخر ، عشان خياتگ يا حبيبي مايتآخرو وانا يمديني امشطهم و اسويلكم الفطور
تغاضي يا ملكه نص التربيه بالتغاضي ، لاتجلسي لولدك ع الدقه اعطيه مساحه شوي بمتابعه وحرص منگ
انا حامل مثلگ وصايره نفسيه 😁
احاول اكتم عصبيتي واكل بنفسي بس ماتتوتر علاقتي مع ولدي
يسوي اخطاء بسيطه امشي الحال بس لو وصلت لقلة الادب لاسمح الله هو عارف ايش عقابه
اسحب منه جواله و الايباد واعزله بغرفه يفكر بغلطته ، ومااكلمه ساعه كاآكثر حد
ولدي بعد ينام بدري هو واخته بس قومتهم ثقيله الصباح
احاول اصحيه بهدوء وشويش واقوله تكفى قوم لاتآخرني ياحبيبي والله يفز فز بهالكلام ويركض يجهز نفسه للباص
اول وحده اقوم الصباح انا 😢😢الساعه 5 الفجر
اصحيه يصلي معي ويقراء الاذكار وسورة يس
ومن الليل اكون مجهزه له الكيگ الي يحب يفطر عليه
والله هلكانه بس شسوي حاطه ببالي ان ما احتويته انا بيلقى براالبيت الي يحتويته ويضيعه معه
ماابي اكون جافيه معه واكسر نفسيته وادمره بتتبع اخطائه او التدقيق عليه
زمنهم غير زمنا
واجبات الدراسه متابعتها معه بدقه عكس اخته
التحفيظ ع راسه ، ان طلع للحاره ع اعصابي لين يرجع واسمح له بنص ساعه فقط
طلع لي بموال يبي سياره سديت هالطريق عليه مره وحده بالنقاش
حتى دباب رافضه اجيب له من خوفي عليه من الشارع
يوميآ اخذه معه الممشى نمشي وبس نخلص نمر البقاله اشتري له الي بخاطره ونرجع
الغداء اشاوره فيه ، اعامله معاملة الكبار بس بحرص ان الامور ماتفلت من يدي
هالمرحله خطيره جدآ يحبو اثبات الذات بالعناد
لاتعانديه الله يرضى عليگ واحتويه ياملكه كصديق لگ وابن وسند بعد الله
ولاتكثري عليه مسؤليات بالكلام ، اعطيه مسؤليات بحب وثقه وكلام يفتح النفس
شوفي زوجگ عزيزتي كيف متفهم مرحلة الولد ومعطيه مساحه حتى وان كان بآسلوب خطاء
شدي وارخي ، سيطري ع عالم ولدگ وعقله بذكاء
شوفي اصدقائه ومحيطه ، تابعيه بالمدرسه ، اسآلي المدرسين ع سلوكه بالفصل
قومي ولدگ بشويش وحنيه ، والده لاترجعي له الا بالشديد القوي فقط
بالنسبه لي بسبب صرامة زوجي مع ولدي مااحبه يتدخل ابدآ الا بشي كبير يستدعي تدخل زوجي بحياته
وهذا الشي معطي هيبه عند ولدي من ابوه وخوف من انه يتمادى بآي خطاء واعلم ابوه عليه ،
حطي ببالگ انها فتره وبتهداء هالمشاعر بإذن الله بعمر العشرين
احتسبي حبيبتي وادعي لولدگ بكل وقت بالهدايه وخليه يسمع دعاويگ له
ضمي ولدگ وبوسيه جواه لسى طفل ، وانتبهي عليه
حسسيه انه هو القدوه لااخوانه وانه لازم يكون مثال حلو
خليه يدگ اليمين بالبيت بهداوه ، وذكريه دائمآ انه سندك بعد الله وانگ محتاجته معگ
حاولي تآثري ع عواطفه بالكلام الي يعزز رجولته
انت الكبير العاقل / انتي سندي وفرحتي / انت رجال البيت بعد ابوگ / انت يدي اليمين / انت حبيب قلبي .. الخ
حاولي حبيبتي تغيري اسلوب المواجهه معه لاانه بسن يرفض السيطره سن تمرد الله المستعان
الله يهدي سره لگ يارب ويرزقگ بره وطاعته ويعينگ عتربيته هو واخوانه