الله يكون بعونگ يا ملكه ، الوضع باين مايبشر بخير
خطوة سحب السياره ممتازه بس ليت زوجگ ماخربها بتراجعه
واضح حب زوجگ الكبير للولد البكر ، وتآثير ولدگ ع ابوه اكبر

اجلسي مع زوجگ ، وقوليله ترى الولد بذمتگ اسلوبك وعدم تعاونگ معي بيضيعه من يدگ قبل لايضيع مني
قوليله انا مااكره ولدي ولا عاجبني علاقتنا مع بعض ، وتصرفاتي وحزمي معه لمصلحته اولآ واخيرآ
انا ماابغى منه شي ، لااحترام ولاتقديره لي الي ضاعو بيفرقو عندي
انا خايفه عمصلحته وخايفه عليه يمشي بطريق بيوم من الايام وماتقدر لاانت ولاانا نساعده
اصحى لولدگ ويشهد الله اني بريت ذمتي امام الله بتربيته
لكن انت ربي بيحاسبگ عولدگ ، والي تزرعه فيه بيرجع لگ انت

انا تعبت معه ان حبيت تساعدني خير وبركه وان استمريت بالسلبيه هذا ولدگ وربيه بكيفگ
لكن لاترجع بيوم لي ندمان وتقول ياليت ،
هو بيبقى ولدي الكبير الغالي ، لكن لايكلف الله نفسآ الا وسعها ، ويد وحده ماتصفق

ان ساعدتني ابي هالمساعده عشان مصلحة ولدنا اولآ واخيرأ
وإعرف ان قسيت عليه يعلم الله قلبي من جوا يتقطع بس عشان احب له الخير اقسى احيان

اتفقي مع زوجگ واجلسي ع راسه زن وزن وزززززن لين يقتنع بكلامگ
يوجه الولد اولآ قبل اي خطوه وان مانفع الكلام ، ابدوائو بسحب الامتيازات منه

خلي ولدگ هالفتره واشتغلي ع ابوه لين تقنعيه بخوفگ عمصلحة ولدگ النابع من حب الام الخير لولدها

لاتتكلمي مع ولدگ حاليآ ولاتحاصريه بالملاحظات
العقاب الي يصدر منگ يفقد مفعوله بسلبية زوجگ عشان كذا ولدگ حاط ببطنه بطيخه صيفي إن اموره تمام
وان ابوه بصفه ،لكن لو صار الاب بصفگ هنا بيعيد حساباته ويبداء يعدل سلوكه مقابل الامتيازات الي خايف عليها ،

والله ياملكه مستغربه انه يسهر براالبيت مع اصحابه ؟؟
لو منگ اقطع رجله ورجل اصحابه من السهر ، اصلآ مو مسموح الصداقات تكون عكيفه المفروض
صديق ويالله تنبلع ، لكن عدة اصدقاء وسهر كمان وش خلى للكبار والناضجين اجل

حبيبتي انتي بآي منطقه بالمملكه ؟؟
فيه مخيم صيفي لداعيه مشهور عرض عقناة بدايه ان كنتي بالشرقيه بجيب لگ كل تفاصيله
هالمخيم يعدل السلوك وغير من مراهقين كثير كانو عوشك الانحراف ، رجعو للطريق الصحيح وانعدلو بعد يآس اهاليهم وتسجيلهم فيه ،

بإذن الواحد الاحد ، بسجل ابني السنه القادمه فيه ، بخليه يسافر ويسجل للفائده مع العلم ان سلوك ولدي ولله الحمد مافي شي ، لكن زيادة الخير خيرين وعشان يشد عوده من بدري واقنعت والده بهالشي والله يكتب له الخير

ابذلي يا ملكه جهدگ ع ابوه ولاتقصري بالكلام المقنع المفيد
مواجهتگ مع ابنگ وترجيگ له وارسال واسطات له عشان يحترمك ماراح تفيد الا بيكبر راسه بزياده ومتى ماطن براسه يرجع لسلوكه الاول رجع ؟؟

زوجگ ان مساعدك بتعاونه معگ ع الاقل يساعدگ بعدم التدخل بالعقاب
وان جاء ابنگ يستفزع فيه خليه يقوله امگ المسئوله ولو انت ماسويت شي غلط وسمعت الكلام والتزمت بواجباتگ معها ماكان عاقبتگ ، الامر بيد ماما،،، حل امورگ بنفسگ معها انا مااتدخل بالخطاء

دعواتي لگ والله بإن الله يصلح شآنه ويسخره لگ هو وابوه وانتي الله الله بالدعاء
وخفي عنفسگ يابنت الحلال شوي ،، كل شي ينحل بالهداوه والعقل والصبر
العلاقات مايبي لها تعقيد هالقد ، بسطي الامور وبتفرج بإذن الواحد الاحد

وانتبهي لحملگ ، وصحتگ ، ونفسيتگ غذيها بالقران ورددي كل وقت لاحول ولاقوة الا بالله

__________________







بين منطُوٓقّ لم يُقصَد ،
ومٓقٓصُود لمُ يُنٓطق ،
تٓضِيٓع الكٓثِيرٓ مٍن المحٓبة . . .


هديتك لخطيبتك ، النظره الشرعيه ، ليلة الدخله
تدخلات الاقارب ، اختيار شريك الحياه ، نصائح ذهبيه
تجهيزات وترتيبات شهر العسل ، مكالمات ولقآءت الملكة
هديتنا للمقبلين والمقبلات علي الزواج

مفضلة المقبلين على الزواج 2014