والله انا ولادي بيحكوا لبناني وفصحى افضل من لبنان
وبعتقد بيرجع للاهل
بتعرفي هون المعلمة بتشدد على الاهل انو ما يحكوا بالبيت الا مع اهلهن واخواتهن بلغة الام
حتى اذا بدها تطلب من الاولاد يكتبوا رسالة للاهل بتشدد انو يحاولوا يكتبوا بلغتهن مش بالالماني
الجمعة اتصلت فينا وحدة من بلد عربية وقالت انو ابني اعطاها رقم التلفون
عم تطلب انو ابني يضل يمشي مع ابنها بالمدرسي ليتعلم ابنها العربي من ابني
مع انو لهجتهن كليا بتختلف عن لهجتنا
واستغربت كيف ابني حافظ رقم تلفوني وتلفون بيو قلنالها ايه بنحفظوا لكل الاولاد اي شي بصير معهن بيطلبوا من الناس يتصلوا علينا
وهون رفقاتي ولادهن كلهن بيحكوا عربي منيح
وعاملين كل اربعاء يتعلموا عربي
انا سجلت ميامين اول السنة بتبلش
وانا اذا بدي اكتب واتس مع ابني الكبير بكتب معو عربي
وبيضل يتواصل مع اهلي واخواتي ورفقاتو بلبنان وبيضل يحكي عربي
والتلفزيون بيحضروا الرسوم او عاليوتيوب عربي
واوقات الماني
اوقات بحكيه لابني الكبير كم كلمة فرنسي لانو نسي الفرنسي وسنة الجاي اذا الله راد رح يبلش ياخد فرنسي فبساعده
بس انا بشوف غلط وقت الاهل يصيروا يحكوا بس اللغة الاجنبية مع الولد
وهالشي مع رفيقتي ببلد اميركا فصاروا ولادها ما بيعرفوا عربي ابدا

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه