رد: كوفي شوب الصبايا (٣)
انا مب هامتني حنته ولا مأثرة فيني ..
انا اللي احاتيه التأخير مب من صالحي ..
الحملة الاخيرة تعبت فيها واايد اكثر من اللي قبلها.. لدرجة اول شهرين ماداومتهم اعطوني اجازة مرضية.. والكل قال لي عشانج تأخرتي 6 سنين ماحملتي خلاص جسمج مايستحمل .. عيل الحين لو احمل ولو تأخر اكثر شلون بتكون صحتي؟
واللي احاتيه اكثر واكثر .. لو حملت وطلعت بنت .. الحمدلله رب العالمين انا ماتفرق معاي .. بس زوجي بيقول لي بعد حملي؟ وبنرجع لنفس الموال مرة ثانية وسنين الانتظار والضغط النفسي وغيره؟ طيب لي متى ؟ نعمل انابيب .. منها نختصر مشوار الانتظار وتكون فرصة الحمل اكبر ومنها نحدد جنس الجنين ونضمن بإذن الله لو ربي كتب الحمل انه بيكون ولد .. حتى ممكن بإرادة الله لو حابة توأم..