شكرا على ردكم الجميل اختي الكريمة.
المشكلة اني احس ان ما احبها للبنت غير حب العشرة. سبب عدم حبي لها ما اعرف ويش هو. قد يكون بسبب الي صار بالبداية.
مرات اسال ليش هي متمسكة بيرغم اني قلت اني اشك في حبي لها. ومرات اسال هي بتقول لي انها تحبني موت, عجل ليش ما تهتم فية وتسوي الأشياء الي اتمناها(تلبس حلو, تشري لي هدية بسيطة, باختصار تفرحني بشي). لكن بنفس الوقت اسال ليش تبقى مرتبطة فية اذا ما تحبني؟؟ ما فيه شي تخسره.
الصراحة الخمس سنين ذي خلتني أكون شكاك. ودي اصدقها لكن ما اقدر في شي يمنعني رغم عدة محاولاتي. اني مشكلتي الأساسية اني اشك في حبها لي وان عندها نوايا سودة معي. للأسف وصلت المرحلة للتفكير هذا.
هذي الأفكار اجت بعد ما اتفقت معها اني اطلقها لما سافرت لاهلها قبل فترة. بعدين رجعت لي لكن خايف ان أهلها وهي تريد ان تنتقم مني فصرت أخاف منها واخاف اكل من اكلها. اعلم ان التفكير مبالغ فيه لكن الكئابة الطويلة والقلق وصل حالي لهل حال من الأفكار. حاس اني ظلمت البنت وظلمت نفسي بنفس الوقت.