بتعرفي انا كتير حسيت بمشاعرك ونفس حالتك كنت اقول ليش عايشة
انا بنت عمري 29 يعني مش صغيرة وخلصت دراسات عليا
والحمدلله بترك شغل بلاقي غيره يعني وظيفتي مش دائمة
كنت اضل مكتئبة احس كل اشي بعمله بالدنيا مش مهم او حكي فاضي
كنت بعيدة عن ربنا كنت احس الحياة كلها مالها معنى كنت احكي حتي لو اتزوجت شو رح يتغير في الحياة
قابلت شخص وحبيته وحسيت الدنيا حلوة بوجودة بس بعدها راح ما كان النا نصيب صارت الدنيا سوداوية وفش الها معنى
الاشي الوحيد الي رجع لعالمي النكهة والحياة هي قربي من ربنا
تشكيله وتحكيله كل شي
تعيشي بس عشان تري ربنا
تنظري للحياة على انها اشي سريع رح نمر فيه وبعدها كل شي رح يتغير
تعملي خير تسعدي الي حوليكي بكلمة تتبرع لو باشي صغير
رح تصيري تحبي الدنيا تحبي انك تعملي خير
تعرفي انه كل شي حوليكي رايح
وانه السعادة مش هون
السعادة في الاخرة
عيشي كل يوم لحاله
فكري شو رح تعملي فيه
واتطلعي حوليكي على انه كل واحد الله ببليه وبيرزقه لانه هو الي شايف وين الخير
يمكن المراة ببتعذب برأيك بس يمكن الله بهالبلاء فتحلها طريق للجنة
والشخص الغني يمكن بلاءه وين بصرف مصاريه
احنا بفلسطين كل يوم شهيد اتطلعي عالام الي تعبت وربت بالاخر ابنها استشهد قبل ما تفرخ فيه
ومع ذلك صابرة لانه عارفة الله فاتحلها طريق للجنة