كيف يجرؤون على سرقة أحلامنا ؟؟ .........
و مع كل جرح يطال امرأة في نبضها تتداخل مدارات الكون ؟

ذاك مساء ما استطعت ترتيب حقائب سفري خلاله ، يغص ليلي ب غربة تهبط مثقلة بجراح البحر ، تجمع الحزن ، تزداد اسوداداً ، و حين الدمع تسحبها الريح بعيداً عن جفافي ...
الوقت بخيل على فرحي !

..
أحس بالكون في عيني ظلام
لازم اتكلم كتابياً ضاق فيني الكون و دمعي عز علي ( و لكن دمعي في الحوادث غالي )

نفسي أبكي ، نفسي انعزل ارتب همومي و استوعبها وحدة وحدة
اعيش وحشه فظييييييعه

مواقف ولا ب ابشع خيالاتي تخيلتها
جيت هنا اكتب لاني لا قادرة اتكلم ولا قادرة ابكي
ولا حتى قادرة احزن ..!
آكل و اشرب و انام و اقابل الناس و اضحك و بداخلي اشياء تنزززززف و تمممموت

حتى حاولت ادعي بس ماعرفت انطق ب شي
قلت ما لي غير الكتابة هي الشي الوحيد اللي بيخليني احس و اشوف نفسي بوضوح

لو سكت اكثر راح انهار بعد شهور و استوعب متأخر .. اعرف نفسي

انا مثل النبته اللي ماتموت اول ما يقطعون عنها المآي
لكنها تذبل تذبل تذبل الين فجأه تموت

و للحين احس مو قادرة اعبر !

المهم افترقنا لكنها هالمرة كانت غير

انا مكسورة الليلة
اللي كسرني امور كثيره بحاول ارتبها عشان اقدر اعالجها و افهمها :
ـ توقيت المسج اللي ارسله لي كان بيوم ميلادي " و كان متعمد التوقيت حسب كلامه " و هالشي جررررحني لانه لي ذاكرة قويه و خاصة مع التواريخ .. و هالشي غصب بيولد عندي ربط لموقف قتتتتتلني !!!!
ـ عبارات المسج جرحتني اصلا من البداية انو بما معناها ما عاد ادور منك حب بس ابي ارتاح و انام
ظليت يوم كامل اقرا و احاول احلل و افهم ايش يبغى مني ؟
و حطيت احتمالين و حطيت حل لكل احتمال
اما انه رجع يحاول يصحح مسار اللي صار و ينقل الوضع لوضع ايجابي = زواج ( وبهالحالة بحط شروط اولها انه ما يرجع التواصل بيننا ابداً الا بعد ما يتكلم مع الوالد )
و اما انه حالة حنين عابرة و للحين على نفس موقفه السابق و انه فعلاً بس يبغى ينام و بهالحالة ( نويت اسوي رد فعل قوي ما يخطر على بالي حتى .. لكن كل براكين الغضب تفجرت فيني بمجرد التفكير )

سألت نفسي ؟
الحين انا حظرته و تركته
و هو يعرف انه محظور و اني طويت الصفحة
هل بيجلس كل فترة يبتكر اسلوب يوصل له من خلالي ؟
و فرضا كنت انا متزوجه او مخطوبة .. هل راح يهدم حياتي ايضاً بمسجاته اللي ممكن توصلني لطلاق فوراً ؟
و لازم يستوعب انه خلاص ماراح اتجاوب معاه طالما هو متمسك بموقفه / و انه مسجاته مهما تكررت ماراح تضعف موقفي و اني فعلا تبت توبه نصوحة ..

كل هالافكار تتصارع بداخلي
افكر هل اطنشه نهائياً .. طيب اخاف يزيد و يرجع يرسل كل فترة و فترة
و يتوقع انه لو كرر تصرفاته راح اضعف بالنهاية !!!!

عشت بحيرة
استخرت الله و قررت اكلمه
و فعلا كلمته و اتضحت لي امور كثيره ك س ر ت ن ي بمعنى الكلمة

بداية كان عندي امنية من زمان قد كتبتها ب ردودي هنا
انه امنيتي يرجع نادم متحسر على اللي سواه فيني

طبعاً اول ما كلمته بدون لا سلام و لا كلام ( عكس حواراتي كلها السابقة معاه بعد كل فراق اللي كانت تبدا بتهذيب و تدرج و عواطف )
هالمرة العكس ..
قلت الحين انت ايش تبغى ؟
مو انت كنت متردد و مو انا كذابة ؟
و مو انت مهمشني اشهر ؟
و بآخر الايام انكسر الاحترام بيننا من طرفي انا بالذات " و انا ماحب هالشي مع اي مخلوق "
خلاص ما عاد لها داعي العلاقة بكبرها ..
تغير شي الحين ؟؟؟

وش تبي مرسل لي ؟
و انا عارفة ان في سببين للارسال لا ثالث لهما
اما انك بتصحح موقفك و بتحوله لمسار ايجابي
او انه مجرد حنين و والله لو كانت الثانية لا تشوف شي ماشفته بحياتك

اتصل علي فوراً ..
و انا ساككككككته و معصصصصصصبة
و يقول كيفك شخبارك و انا صممممممت

فجأه بديت و قلت :
انت وش تبي مرسل ؟
و كنت اتكلم بأسلوب هواش و منافخ " مو طايقته بمعنى الكلمة "

قال انا بصراحة اتصلت و رجعت
عشان اقدم لك اعتذاراتي انا اسسسسف اسسسسف سامحيني
ندمان اشد الندم على اللي سويته فيك احس اني ظلمتك
اتمنى تسامحيني والله احس ربي سلط علي كل شي
كل شي صار ضدي من بعدك
والله تعبت تعبت
حتى النوم ما اعرفه
بكيت بكى و عشت بهموم ما يعلم فيها الا الله
ابيك تسامحيني ، سامحيني تكفين
و خذي ثارك مني الحين
( خلال كلماته كنت ساكتة لين يخلص الين قال كلمة فجرت كل غضبي )

قال انا اشوف انك تستحقين تعيشين سعيدة
و انا مقدر اقدم لك هالسعادة
انتي بنت بعمر الزهور الحقي عمرك و تزوجي

قلت نعععععععععععم ( صرت اصرخ زي المجنونة )
جن جنوني
حسيته يتكلم كلام مسلسلات ويتعمد يهينني فيه
و الله كنت اصرخ و ابكي
لدرجة كنت امشي بمكان عام و نسيت نفسي
اصرخ و دموعي تسيييييييييييييل .. و الناس تناظر مصدومة

انهررررررت انهررررررت
آخر شي توقعته اني اسمع كلام المسلسلات البايخ هذا

انو سعادتك مو معاي

صرت اصرخ و اقول له ٤ سنين
بكل سنة ٣٦٥ يوم خلال هالايام ماعرفت انه احنا مو مناسبين لبعض
توك تكتشف و تصحصح

و مسالة انك تغار علي و تموت و تنهار و تبكي ؟ وينها الحين ؟
ولا كله تمثثيل ؟؟ اشوفك تقول روحي لواحد ثاني

و ليش داق الحين ؟
انا كنت مستوعبة هالشي من زمان
ولا انت داق تهينني و تجرحني و مسالة انتقام اني انا انهيت العلاقة
ف جاي تجرحني و تنهيها انت بنفسك

صار يقاطعني و يقول مو مسالة انتقام والله
والله اني احبك و راح اظل احبك حتى لو افترقنا
و لو ما اخذت غيرك ماراح اخذك

صرت اصرخ و اقول سخخخخخخخخخخاااافه
كلام المسلسلات السخيف هذا ما ابي اسمعه
تبي تقنعني انك بتقعد بدون زواج ؟؟

قال ايه لاني متزوجك لا انتي ولا غيرك
انا ما انفع للزواج .. انا انسان كل حياتي مشاكل و هموم
والله حياتي ما تنفع لك ، انا انسان مدمر
كل حياتي مصايب

( مدري شصار بعقلي هذيك اللحظة )
حسيته استضعفني و كسرني
لخبطة مشاعر و كبرياء
كنت ابكككككي و اقول له طيب انا عادي ابي اكون معاك
صار يسالني : تكونين معاي و حياتي كلها مشاكل و حوسة
قلت اي ابي اكون معاك

قال انا مضطر اقفل شوي و اكلمك