الله ييسعدكم ويبارك لكم
نصيحه (كثرة )التفكير واخذ النصايح .. تخرب الموضوع
خله طبيعي .. خذ الموضوع بانبساط
هذي شريكتك العمر كله ان شاءالله ربي يسعدكم
الخطط تخرب جمالية الملكه
خلك طبيعي وتعرف على شريكتك واسعدو بعض واعرفو بعض
هي مره بالعمر
ونصيحه ثانيه
احنا البنات تهمنا فترة الملكه وكيف خطيبي بيسوي وبيقول
انت بس ادخل قسم المقبلين على الزواج وشوف البنات كيف يفكرون اذا خطيبهم ماكلمهم

انا زوجي ايام الملكه قال لي مره بالاسبوع ما اهتميت بس بعدين عصبت كانت فكرتي ليه التزمت هذا كله!واشوف خطيب صديقتي وبنت خالي ماشاءالله مع بعض وانا لو سالوني عنه قلت مدري عنه شعور شين ترا ..
وكتبت موضوع هنا اشتكي هههههههه
والحمدلله بعد ماعرفنا بعض صار يدق كل يوم او يومين وكنت اتضايق اذا مادق لاني ابي اعرفه اكثر لاني ابي اتعود عليه واعرفه اكثر .. انا داخله عالم جديد مع شخص ماادري عنه
وبعد فترة رجعنا نكلم كل اسبوع بس كنا نكلم بعض واتس وبعدها صار الموضوع عادي وتعود ..

ف لا تفكر كثير وتحسب حساب هذي بتكون زوجتك وام عيالك راعه وخاف الله فيها
ولا تخطط وتصعب الموضوع حلو الاهتمام و انك تخلي الموضوع برحابة صدر

توكل على الله والله يسعدكم ويوفقكم يارب

__________________
..
‏اللهم يا ولي نعمتي وياملاذ كربتي إكفني ماأهمني ومالم يهمني،واجعل كل ما أخاف وأحذر برد وسلاما كما جعلت النار برد وسلاما على سيدنا إبراهيم .. تولني في من توليت وبارك لي في ما اعطيت وقني شر ما قضيت انك تقضي ولا يقضى عليك..