اقتباس:
المشاركة الأصلية كتبت بواسطة مصونات
بنات انا مزعجة للناس وللجميع ماحد مستقبلني ولا اقدر أتحمل استهتار الناس وأهلي فيني ليش يارب يصير لي كذا كلي صدمات من أهلي ومن الناس ......
|
مصونات ... فيه شي أنا اقتنعت فيه بعد كل اللي شفته
إذا ما غيرتي نظرتك لنفسك .. الناس ما راح تغير نظرتها لك
إذا راح تظلي المطلقة المسكينة اللي ما أحد يحبها وليش يصير لها كذا من دون الناس وبنت خالتها أو خالها متزوجة ومتهنية وهي ﻷ ، عمرك ما راح ترتاحي وتتهني ..
لكن لو مصونات تشوف نفسها محظوظة ﻷن ربي ابتلاها ويشوف صبرها وتحملها وهي إن شاء الله بتكون قد هذا الاختبار وتحمد ربها وتشكره ولا تنتظر أحد يطبطب عليها وتشتكي إلى اللي خلقها أكيد راح يتغير الوضع ...
لا تناظري أحد وتسألي ليش كذا وكذا ... قولي كل واحد فينا مكتوب له اختبار أو ابتلاء بما يتناسب معه ، وش مدريك إن فلانة مرتاحة والا محظوظة ،يمكن يشوفونك انتي محظوظة وعندك مميزات مو فيهم ...
لا تفكري كثير واتركي الأمر لصاحب التدبير ....
أدري يا مصونات راح تقرأي كلامي وما راح تتفاعلي ولا حتى تحاولي وراح تعيدي وتكرري نفس السؤال وراح تندبي حظك ...
ما أقول لك لا تفضفضي ... إلا فضفضي وفضفضي لحتى ترتاحي بس مو بتسخط واعتراض ... اشكري ربك واحمديه على النعم اللي انتي مو شايفتها
ما أقول غير الله يسهل لك ويرزقك هدايته وتوفيقه