المشاركة الأصلية كتبت بواسطة خاله بيتا

سلامتك الف سلامة دندونه

انا صار معي انتفاخ والم بالركبة من حوالي 5 سنوات ولما راجعت الطبيب نصحني بسحب الماء واعطاني كورتيزون بنسبة بسيطة وكل هذا بساعتها .. يعني شخص وقرر وسحب خخخخخخ عندنا الاطباء جريئين

أتذكر قال في مثل التهاب سبب تجمع للماء فسحب الماء واعطاني الكورتيزون عشان الالتهاب يروح وما ترجع تتجمع المي مرة ثانية
وفعلا الحمد لله ما رجعت سحبت ولا تورمت مرة ثانية ..

بس كان الأمر بسيط ..حتى ما احتاج الا لتخدير موضعي فمش عارفه اذا هو نفس سحب المي اللي تتكلمي عنه
هو يومها دخل ابره كبيرة شكلها يخوف عند الركبة وصار يسحب وكأنه يحسب دم للمختبر لكن حجم الابرة اكبر بكثير واللي كان يدخل بالابرة سائل لونه اصفر خفيف . ملاها مرتين ونص للابره بس كانت يده خفيفة وما تألمت كثير الحمد لله
صراحه انا مع انك تطيعي الطبيب .. ما دام الأطباء عندكم ما يعطوا مضادات وادوية بسهوله معناها ما راح ينصحك بإجراء الا اذا حس انه ضروري لك وايجابياته اكثر من سلبياته .


أرجع واقول سلامتك حبيبتي .. ان شاء الله أكون أفدتك