كبير المراقبين [ وسام العطاء الذهبي 2016 ]
تاريخ التسجيل: Jun 2012
المشاركات: 10,291
رد: كوفي شوب الصبايا (3)
يسعدلي مسا الاولاد المشاكسين 😁😁😁
اصعب شي وقت تصير الام قاضي وبدها تحكم ويا طولة البال بقى والاعصاب لازم تكون مسبقا بالثلاجة
انا صوتي ماشاءالله عالي من دون ما عليه😁😁😁
بلبنان بقدر آخد راحتي صرخة وحدة بيجمدوا بارضهن 😒😒
بس هون اذا اتخانقوا مع بعض اول وهلة بمنع يفسدوا وبزعبهن وبقلهن الاتنين معاقبين ورح ينحرموا فبسيروا متل الملاك
بس بعدين وقت كون بقمة الهدوء بستفسر شو صار وببدأ بالملاخظات والدروس والاعتذارات
انا شوي بفرض شخصيتي عليهن بخافوا مني بالرغم اني وقت الدلع والاحضان ما بقصر
مثلا امبارح بالليل ابني الكبير اخد من خيو السنسال وشوي فيه وزن زوجي اهداه لابني الوسطاني
فهوي وعم ياخدو من خيو فلت واجا على بطنو صار الوسطاني يبكي ويقلي بطني يا ماما قعد بحضني ربع ساعة على تبويس واحضان واحملو وابرم فيه متل المولود الجديد مع انو بعد شهرين بصير عمرو 8سنين
واخته وخيو الكبير كمان يبوسوا فيه ويضموه
من بعدها بساعة صار وقت النوم صار الوسطاني بدو يسهر ويماطل بتفريش اسنانو
فرجعت للشخصية القاسية وما لنت معو وقلتلو نوم يعني نوم وما عاد بدي كرر كلامي
بس فعلا تربية الاولاد متعبة اكتر بكتير من البنات
بنوتي ربي يحميها ما بحس فيها ولا كأنو في طفل بالبيت وبتسمع الكلمة من اول مرة
بس الكبير بحب يناقش ويعيد بنفس السؤال كذا مرة
__________________
اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه