رد: سؤال للرجال المتزوجين
خاله بيتا فهمت عليك
مشكلتي بديت حياتي بنديه شديده
وهو دايما يقول لي: ماضيعك الا حقوق المراه!
وبنفس الوقت ما ابغى قيمتي تنداس
لاني ارخيت لاقصى درجة
وهو يقابل هالشي بغرور وجفاف
عندي احتمالين
اما انه فعلا يكره المراه الضعيفه.. ويكابر
لانه زمان كان معجب بقوه شخصيتي
اللي بعدين صار ينتقدها كثير
الاحتمال الثاني.. الاسوأ
انه ماصار ينتظر مني اي تغيير.. مو فارقه معه
وهذا يمكن يرجع لان صورتي النمطيه تشكلت خلاص
الفايده اللي انا لقيتها
ارتحت من الصراخ والصوت العالي
لانه عنيد وعصبي جدا وراعي تهديدات
واذا زعل ينكد علي باقصى ماعنده
لكن بنفس الوقت اذا هو رايق صار قمه بالحنيه
وانا ماني محتاجه الا حنية واهتمام
ضغوط الحياة تعبتني
تجيني مرات اقفل باب الغرفه وابكي مع نفسي
احتاج شريك يحتويني
احاول اقدم اشياء كثيره وانتظر مقابل
لو شي بسيط