رد: كيف اعمل كنترول..لادارتي لمنزلي و لأطفالي
اقتباس:
المشاركة الأصلية كتبت بواسطة mimomea
حبيبتي روح اذا قدرتي تجيبي الشغالة يوم بالاسبوع بدل كل 10ايام بيكون تمام
وبالنسبة للاكل وقت ما يكون عندك دوام حاولي تعملي طبخة ليومين او طبختين وفرزي منهن للحاجة
وباليوم التالت شي خفيف وصحي
مثلا فيكي تجيبي كفتة وتمديها عالخبز وتحميصها عالسب وبتتاكل مع لبن
فيكي تحطي فروج بالفرن وتعمليه مع رز او سندويشات
فيكي تسلقي بطاطا وبيض وبيمشي الحال
فيكي تبلي الطاووق بالليل وتفرمي السلطة وبس بالنهار بتدخليه الفرن وعلئ جنبه رز او بطاطا
فيكي معكرونة بصوص البندورة واللحمة ما بتاخد وقت ابدا
وفيكي انواع تانية من المعكرونة بتتجهز قبل بيوم وبتنحط بالفرن
والطبخات اطبخيها بوقت ما عندك دوام وقسميها على يومين او تلاتة
وفي اشياء كتير بتنحط بالفرن جهزيها بالليل والظهر بس بتحطيها بالفرن
وخلي يومين بالاسبوع تاكلوا من برة من مطعم عندك تجربة عنده وهاليومين خليهن اجازة الك من كل شي لترجعي تجددي طاقتك ونشاطك
وخلي يكونوا ايام الاجازة استمتاع الك ولزوجك وللاولاد
يعني ما يروحوا على شغل البيت او عملان الاكل
بالنسبة للتدريس اتفقي مع زوجك انك انت تدرسي ولد وهوي ولد او قسموا المواد حسب مين اشطر بالمادة اكثر من التاني
دايما حاولي يناموا الاولاد قبل نومك بساعتين لتعملي فيهن استرخاء وتلاقي وقت لنفسك
شجعي الاولاد يعتمدوا على نفسهن ويقوموا بمسؤوليتهن
مثلا البارحة ابني اتعلم مني كيف بنعمل كيكة الرمان لو تشوفيه كيف كان مبسوط
حافظي على ترتيب المطبخ وغرفة الجلوس اكتر شي
وغرف النوم مش بالضرورة تعمليهن لوحدك بل بمساعدة زوجك والاولاد وخاصة ما حدا بيدخل عليهن واكتر شي بحاجة لترتيب السرير
وبس تجي الشغالة يوم بالاسبوع بتنظف تنظيف عميق
وجربي حطي نظام اول شي عالورقة
مثلا الصبح ساعة ونص ولازم كون منجزة ذا وكذا
والظهر ساعة ونص وقت تحضير الاكل
بعد الظهر ساعة ونص تدريس الاولاد
وبالليل ساعة ترتيب عالسريع
والباقي خليه لوظيفتك لدراستك لنفسك وزوجك
حاسة فيكي وخاصة الاولاد بعمر كتير بيتخانقوا مع بعض ولازم تضلك بعض الاوقات قاضي بيناتهن
|
مع ميمو في افكارها ومقترحاتها ماشاء الله عليها
روح أهم شي تكتبين خطواتك على ورق ويكون قدام عينك دايم
تضيفين تعدلين تشطبين على اللي انتهيتي منه وتحسين بالانجاز
الكتابة على الورق تنظم افكارك أكثر لانك مهما فكرتي وخططتي ذهنيا
الا ما تنسين شي من زحمة المهام اللي عندك وضغوطات الحياة
موفقة ان شاء الله
__________________
ما يكتبه الله لنا ألطف مما نُحب ..وأعظم مما نطلب ..وألطف مما نشاء ..
[IMG]http://im67.***********/mg87DX.gif[/IMG]
