السلام عليكم ورحمة الله وبركاته
اخيرا لقيت ناس مؤهله تقدر تساعدني في مشكلتي باْذن الله
حكايتي حكايه بس اصبروا عليا لين اقريها للأخير
انا متزوجة من 11 سنه وعندي 4 اطفال من زوجي كان فيه فرق في التعليم اول ماخذته والكل توقع ماوافق عليه بس ضغط الوالد عليا لانه ولد اختوا كنت متخوفه لاني ماعرفه انا نشأت في مدينة كبيره وهو في قريه صغيره
المهم حصل النصيب واكتشفت فترة الملكة انه مو كل شي التعليم زوجي كان حنون حيل ويحبني موت ومو مصدق اني وافقت عليه
من كثر ماحبيته وتعلقت فيه سلمته نفسي قبل الزواج ولما دخل عليا وكان اول رجال يلمسني ويعلمنا الحب بس لانه كان المكان والزمان الخطا استعجلت وجريت للحمام اعز الله القرّاء فنزل الدم معي فيه وزوجي ماشاف الدم ماعرفت وقتها كيف اتصرف كنت صغيره كنت ابي اناديه خفت احد من اهلي ينتبه لدخوله معي للحمام بالاول كنت احسب صار معي مشكله لانه تاخر وقوف الدم وبعدين وقف تغسلت وطلعت سألني ليه تاخرتي قلتله اللي حصل حضني
بس انا من داخلي الموضوع اثر فيني كان ودي يشوف ويتأكد اني بنت بس كل مافتح معه الموضوع يسكره ويقول انا اعرف ان ماحد قد لمسك مافكرت في كلمته وقتها كنت أفكر انه يجاملني بكلامه وانه ضاله في عقله
المهم حصل الزواج بعد السالفه بكم شهر وليلة الدخله كان مستعد يقطع يده عشان يقطر دم ع قميصي قلتله أمي مو من هالنوع اللي تسال وتدقق لان خلاص انت زوجي
بس تطمنت وحسيت انه مصدقن
كان كل روحي وقلبي يتحركوا قدامي متمثله فيه مابخلت عليه بعواطفي ومشاعري وبالصدفة في الاسبوع الثاني من زواجنا اكتشفت انه يوديني لبيت أهله ويطلع مع غيري وقتها أنهرت وصلت المستشفى وابره واعترف وصاح وتوسل طلبت الطلاق رفضت أمي مع انها انقهرت علي بس خذت بالحسبان كلام الناس وبالأولاد والأخير انا اقول انه النصيب المهم سافرنا وعوضني وبديت ارجع الثقه شوي
رجع عطاني صفعه جديده توظفت وبالصدفة اكتشف انه له علاقة بالشغالة وقت انا اروح الدوام هذا غير المكالمات اللي اطيح عليه فيها ويشهد الله ان الله يظهره لي لاني معه ع نياتي وحافظته في حضوره وغيابه
نفس الشي اعتذر انجن لما قلت بتركه واعتذر توسل ماخلى احد من اهلي واخواني وخوالي الا توسطله عندي
سامحتهلاني احبه وقلت بوقف معه أخذ اجره لو الله هداه
مصيبته يحافظ فتره ع الصلاه ثم يتركا المهم موت الأيام واتفقنا نفتح صفحه جديده وسويت اعادة عرس له مفاجاه من تلبيس الدبل للفستان لبشته للفندق ع حسابي
وبعدها بفتره طحت عليه بالصدفة انه يستغفلني ورجع يكلم هنا عاد انا من داخلي خلاص انكسر شي ماعرف ايش مااكرهه بس ماعد احبه وجوده وعدمه عادي فكرة اتطلق منه وأهلي شالوا يدهم من الموضوع قالوا احنا معاك من البدايه والتدني مو راضي يتعدل اللي تبين اتسوينه احنا معك
هو ماعد له وجه يكلم احد الكل عارفه من بيت أهله وأمه اللي قالته تستأهل خسرتها وهذا شغل يدينك وحلها
انجن مالقا شي ماحاول يضغطني فيه عشان يرجعني حتى العيال هدد يسحبهم مني قلت انت ابوهم أولى فيهم وانا عارفه انه ماراح يتحملهم خاصه انهم صغار باقي
المهم لما شاف الجد وأني صامله ع موقفي اقتنع بالحل اللي قلت انه راح يرضيني وعشان العيال اللي بيننا
انه انقلبت نفس المنطقهاللي يعمل فيها لبيت شاريته قريب من اهلي وهو يتزوج ويجي يزور عياله انا هذاالانسان خلاني اعاف الرجال كلهم ع ان فيه مواصفات مره حلوه انه ذوق نظيف ماعمره كلّف علي في شي يحبني بس بطريقته لان اللي اعرفه اللي يحبك يتحرص بجرحك واللي مكتفي فيك مايشوف غيرك هو حبه غير حب تملك انتي لي ولو تاخذي غيري أذبحك ولما اساله انت ليه تسوي كذا اذا صدق تحبّني قولي اذا في شي ناقص مني عادي ماحد كامل احنا بشر يقول مااحلم أخذ وحده مثلك وقالها اكثر من مره قدام اهلي وجماعتي بس يرجع
المهم هو وافق ع الاتفاق انه يتزوج لاني انا تعبت من اكشناته قلت تجي وحده تستمر وتواصل معه ويمكن تكون اشطر مني ويتوب ع يدها انا خلاص
شوي يجي واحد من خوالي مسوي عملية قلب قبل يوصل عندنا ب أسبوع يعني باقي اصلا تعبان بس يغلينيً وهو سمع من أمي اني خلاص قررت انا ننفصل لو شكلا
وطلبني وبحياته ماقد تدخل هو بالذات من قبل في مشاكلي أحرجني وماقدرت أرده مع اني زعلت لاني قد بديت اهيئ نفسي للنقل
وأخذ زوجي ع جنب وعطاه محاظره طويله وقاله هي موافقه تتزوج تزوج اذا تبغا بس ابعد عن الحرام لان وراك بنات وهذا دايم كلامي له تزوج بزعل وبعدين ارضى بس تحفظني وتحفظ بناتي بعد ستر الله علينا ولا تدور الحرام لانه قد غلط مره وزنى واعترفلي وجلطني كالعاده
طولت عليك بس انا حبيت احكي المسبب للمشكلة عشان تستوعبي معاناتي وتساعديني وتوجيهي صح
الحين لنا سنتين من بعد المشكلة الاخيره والرجال تغير جد يالله لك الحمد بس المشكلة عندي انا مو قادره أنسى اللي سواه معي وعايشة مترقبه غلطته الجديده لانه هو وعد خالي انه المره هذي لو سوا اي غلط انه يطلقني من غير مشاكل ويعتبر نفسه مايستاهلني
بدا يبي اهتمام وحب وانا طفيت اقسم بالله انه يطّلع للدوام بمسافة 200كيلو ماطري ع بالي اتطمن وصل او لا لين هو تذمر وقال ليه تبعديني عنك
زي اللي صحاني هذا اللي قاعد يصير جد لدرجة ان مالي صديقة مقربة اخاف يمشي معها ويفضحني
لما قال كلمته تذكرت اني حتى لو فيه بنت تبي تصادقني مره وتحبني ابعدها وتعمد التطنيش لين تزعل وتتركني
الزبده احس انه صار عندي تبلّد وخوف من اني اثق في اي احد بس هو تغير وانا اعرف ان احنا اخذنا حظنا في الحياة بحلوها ومرها مابي اعقدعيالي او يطفش ويوصل الفراق بيننا عشانهم يشهد الله
فأنا بحاول اتغير معه بس ابي اعرف كيف اقدر أنسى انا اي مشكله بسيطه اربطها بماضيه للحين غلطاته
هو يحبني ومتغير جد ومنتبه لبيته ولعياله بس انا في اي مشكله اقلب علية غصب عني
اعذروني ع الإطالة ولكم جزيل الشكر أتمنى تكوني صريحة مره معي