رد: هل يجب علي خدمة أم زوجي
اقتباس:
المشاركة الأصلية كتبت بواسطة أحبه حبيبي
على فكرة ترى البيت كله غرفة نوم وصالة صغيرة ومجلس .. وأنا بجهز المجلس نجلس فيه وغرفة النوم حتكون لأمه بأذن الله..
|
منتبهين؟
البيت كله غرفة نوم وصالة صغيرة ومجلس.
لما أم حد فيكم أو أبوه يجون يزورونه في بيت بهالمساحة .. وواحد فيهم مريض (حتى لو كان زكام أو برد) وين بيحطهم بالضبط؟
نتكلم عن أمه وأبوه مب عن أي حد ثاني .. يعني إحنا ما نتكلم عن أخت أو أخ أو عم أو خالة ... مع إن حتى مع هذول العمر والمكانة لهم اعتبار ..... بس خلينا نحصر كلامنا في الأم والأب عشان نكون دقيقين أكثر.
ومع احترامي الشديد .. إحنا نتكلم عن ناس طبيعيين المفروض إن أحبه ما شافت منهم شي سلبي أو عظيم .. اللهم إلا أنها ما تأقلمت معاهم .. وهذه مب بالضرورة غلطتهم .. ولا تستحق إنها تتوتر هالكثر من فترة مؤقتة بيقعدون في بيتها.
فمب من الإنصاف إن إحنا نقيس على أهل زوج سيئين بالفعل ويسرحون ويمرحون في بيت زوجة ولدهم ويتعبثون في أغراضها .. أو على زوجة بيتها كبير وعندها غرفة منفصلة للضيوف وبالها مرتاح من هالناحية.
أغراضها وملابسها وعفشها مشكلة في هالكم يوم؟
يعني هي لما تسافر مثلاً تشيل كل أغراضها وملابسها وعفشها وإلا تاخذ الأساسيات فقط؟
__________________
اللهم طِيبَ الأثر .. وحُسْنَ الرحيل.