رد: عرضت أختي للخطبه ونادمة جداً !!
يا بنت الحلال وانا اقرأ اترقب لي صدمة ما لقيت شي ...
اولا ماله داعي اي حد من خواتج او اهلج يعرف ابدا ابدا ابدا و نكري الموضوع و تناسيه..
ثانيا تعالي نتخيل التالي:
البنات رشحن اختج .. وانتي ابدا ما عملتي هالخطوة من ناحية اتصالج لها و وضع مواصفات اختج ..
ف صديقتج قررت هيه واهلها زيارتكم حتى تشوف اختج و لكن ما عجبتها المواصفات أر بالأحرى رفض اخوها الوصف...
هنيه الحساسيه بتكبر بينج و بينها اكبر واكبر و بين اهلج و بينها الا ما تستوي حساسية بحكم صداقتها لج .. و بالتالي اختج بتنتظر تأخذين موقف من صديقتج بس ردة فعلج و اجتماعاتج معاها وكان شي لم يكن بيتحسسون اهلج و كل خواتج ... صحيح انه نصيب بس على ما قلت لج بحكم صداقتكم بتستوي الحساسية..فلا انتي قادرة تفارقين صديقتج بحكم أخلاقها الطيبه ولا ترضين اختج واهلج ...!
و لكن تصرفج العقلاني كانه يقول (( الباب اللي يجيك منه الريح سده واستريح)) بمعنى انج قلتي ل صديقتي ترا اختي بالمواصفات التأليه قبل ما يكون الموضوع رسمي و الحمدلله انها وقفت ع كذيه...
يا اختي رحمي نفسج حراااااام هالضغط اللي تعيشينه ماله داعي
وصديقتج بكلامها و تصرفاتها كأنها تقولج يا فلانه انسي و خلينا نعيش عادي ترا ماصار شي ..
__________________
يـآ حي يـآ قيـوم , برحمتك أستغيـث , أصـلح لي شـأني كـله, ولا تكلنـي إلى نفسـي طرفـة عين, أو أقل من ذلك .’