رد: كوفي شوب الصبايا (٣)
قبل اسبوعين كنت عند أهلي ..
واتفقت مع صديقات عمري اللي ماشفتهم من شهور إنهم يجوني يتريقون (يفطرون) عندي يوم الجمعة ..
وكنا في قمة السعادة لأن تقريبا كلنا ظروفنا سمحت في هذا اليوم..
قمنا من الصبح بكل نشاط وكل وحدة جهزت طبق ..
وقبل جيتهم بشوي انفجعنا بخبر كدرنا وصيحنا ومحى فرحتنا وطبعا فركش جمعتنا ..
وحدة من صديقاتي الفجر احترق بيت أبوها وتوفت أختها الوحيدة اختناقا ..
وأحترقت أمها حروق من الدرجة الثانية والثالثة وتكسرت ضلوعها ورقبتها وحوضها لأنها نطت من الدور الثاني ومن يومها هي في العناية المركزة ..
واخوها احترق نص جسمه السفلي .. كانت مأساة مأساة ..
البارحة نص الليل توفت أمها .. ربي يرحمها ويغفر لها .. ربي يآجرهم في مصيبتهم ..
ويمسح على قلبوهم ويفرغ عليهم صبرا على هذا المصاب ..
التعديل الأخير تم بواسطة مــريم ; 03-12-2015 الساعة 11:09 AM