رد: تطلقت من زوجي بسبب تطاوله على الله مستجدر
مرحبا الله يجزيكم خير
معلش كنت مشغوله بمسلسل النكد بعيد عنكم
من شهر وصاحب البيت بدو ايجار بيته وكل يوم بسئلوا عن الايجار
يوم السبت أجى المصري تبع الايجار والمواطن بدو يقطعو الكهربا عنا دقوا الباب علينا بيحكولي ياختي والله مبين عليكم أنت واولادك جماعه محترمين وما بدنا نبهدلكم لو سمحتي بنتصل على المخفي ما بيرد عاوزين الايجار وتتركو البيت بعد بكره لأنه راح نقطع كل شي عنكم حكيتلهم هو بره موجود بسيارته لونها ابيض كان راجع من عندها
حكولي والله حكيتلهم ايوة موجود بره راحوا عنده ونص ساعه وهو يجادل فيهم
المهم شوي ورجعلي المصري حكالي احنا اتفقنا انه يطلعكم بعد بكره الاثنين وبكره قال راح يدفعلنا
يوم الاثنين الصبح متصل على ابني الكبير وحاكيله خلي أمك تدين 3000 من اخوانها بعد شهرين برجعهم كذاب طبعا
حاكيله ابني بابا عمتو حكت انك أخذت مرتين فلوس من فتره وين صرفتهم
حكاله خلصت فيهن مشاكل
اخته من أسبوع كلمتني حكتلي انه استلم فلوس من بيعه الأرض 70الف درهم مرتين ووقع
وين صرفهم
على الحبيبة طبعا
حكيت لابني قوله هاي مسؤوليتك انت مش انا
انت الزلمه مش انا
بطل تشحد من العالم
أجى المخفي ورمالنا الجوازات اعطاهن لابني وحكاله دبروا حالكم انا ماليش علاقه فيكم
اتصلت مرتين على اخته ما بترد واتصلت على اخوه ما بيرد و بنت اخوه حكتلي عمو ما بيسمع لحدا كلمي اخوانك واهلك يكلموه ويضغطوا عليه حكيتلها ما بيرد عليهم
يالله كيف لما كل الناس يتخلو عنك بدقيقه وكل شي يتسكر عليك
وكان الله بدو يوصلي رساله
لا تعتمدي ولا توثقي ببشر وارجعيلي
صليت ومسكت المسبحه
استغفر واصلي على الرسول
الله الهمني اتصل على صاحب الايجار
وشرحتله وضعي ومشكلتي معاه
حكيتله يتصل عليه ويحكيله أقل شي ادفع الايجار
ويخلينا في البيت بس شهر لحتى اولاده يخلصوا امتحانات
كلمه المصري وحكاله خلص بخلي عيالك في البيت بس ادفعلي الايجار حكاله المخفي طيب بكره
وديت على الواتس لمرت اخوه اللي بيشتغل المخفي معاه بتحكي انه اخوه معطيه ايجار البيت
__________________
انا لله وانا اليه راجعون
التعديل الأخير تم بواسطة ويبقى الحنين ; 04-12-2015 الساعة 06:14 AM