رد: كوفي شوب الصبايا (٣)
أخو زوجي متزوج وحدة غير عربية .. وعلاقتي فيها شبه رسمية .. والحقيقة إني ما أميل للكلام معاها كثير .. وكلامي معاها عادةً يكون على القد .. وكلمة ورد غطاها.
طبعاً ما كنت معاها جذي من البداية .. لكن بعد فترة قصيرة من حواراتنا حسيت إن لها أسلوب وأفكار معينة صارت تزعجني وما أحب أناقشها أو أخوض فيها معاها .. فقررت إن تقنين العلاقة أفضل وأريح لي.
البارحة كنا مجتمعين كعادتنا كل خميس .. وكانت هي جالسة في الصالة بروحها لما دخلت .. وأمي والبنات كانن مشغولات في تحضير العشا ومستلزمات السهرة.
أول ما دخلت .. وبعد ما سلمت وهي ردت السلام بادرتني مباشرةً بالكلام عن مشكلة صارت لها من كم يوم .. وأنا قلت لها إني عندي فكرة عنها لأن أمي خبرتني.
سمعت منها بعض التفاصيل وتجاوبت معها في الكلام .. ولما خلصت السالفة فاجأتني بأنها تبا تقول لي سر!! .. ووصتني ما أقول لحد!
السر: إنها حامل!
استغربت كثير صراحة!
شو اللي يخليها تخصّني بهالخبر؟ .. مع إن علاقتي فيها رسمية .. وما في بينا شي يوحي لها بإني أهل للثقة .. ولا إني باحفظ السر وما أقول لحد!
__________________
اللهم طِيبَ الأثر .. وحُسْنَ الرحيل.