حبيباتي ربي يخليلي ياكن وما يحرمني منكن يا عسولات

دايما باي مناسبة هون بتصير وفي احتفال بالمدرسة دايما بنشرحلهن ياها وشو بالنسبة النا وبنخليهن يقتنعوا بأدلة ويعرفوا اذا هالشي منطقي او لاء
لانو اصحابهن بيحكوا قدامهن وفي اشيا لازم الاولاد يشاركوا فيها بالمدرسة
او عطل بعطلوا كرمال المناسبة وبيكونوا عارفين اسم المناسبة
فهيك بنكون ما عزلناهن عن المجتمع اللي عايشين فيه وبنفس الوقت ما تركنا مجال ينجرفوا بتيار مش تيارنا والاهم انهم يتقبلوا ويحترموا الشخص مهما كان اذا ما اساء الهن واحترمهن

ورفقات ابني الكبير من سيريلانكا وديانتهن بوذية فوقت سألني ابني بعض الاسئلة لانو شاف عندهن صور ويقولوا هيدا ربنا وبنشوفه استغفر الله ربي واتوب اليه
فتحت النت وجبتلو صور الاصنام وقريتلو عنها وحتى في صور بتخوف بشكل مش طبيعي
فإسأل ابني معقول يا ماما هيك اشكال ان كان صور شخص والو رؤوس افاعي او بقرة او اي من اللي عم تشوفهن بيستحقوا ينعبدوا وهل رح يساعدونا وهل منظرهن حلو وتفاصيل كتير
بس اهم شي ركزت عليه انو ما يحكي رفقاتو بالدين بس يضل يلعب معهن ويحترمهن

مثلا بكرة رايحة مع بنتي وبصير بصورها واخر شي بدهن ياخدوهن عالكنيسة كرمال البرد بس شرحولنا انو ما خص دخولهن عالكنيسة بالدين
فانا بدخل مع بنتي ولو كنت الوحيدة محجبة بس بفرجيهن انو نحنا شعب بنتعايش مع الجميع
وهيك بكرة بكون انا محط الانظار 😁😁😁😁

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه