السلام عليكم و رحمه الله وبركاته

صدق لا قالوا الغربه تغير الواحد
لاني كنت اشوف هالموضوع عادي
لكن بعد ماتغربت وشفت البساطه و الجديه برى تغيرت نظرتي لعده امور

السالفه ومافييها ظاهره التوجيبات الاجتماعيه
ولا عندي اي اعتراض انك تزور مريض او احضر استقبال او احتفال او ولاده
لكن المبالغه في هالامور شي فظيع

اذا بتروح لازم تحضر شي بالسعر الفلاني
ماني مقتنعه ببوكيه ورد مع شوكلت سعره بحدود 300 الي قد يوصل 600
يعني حده والده توصلها كم من هالباقات والفازات وحركات الانستغرام والشوكلت والورد الي يموت ثاني يوم يمكن يجيها مبلغ هائل لو تسلمته كاش ابرك لها

والمشكله الناس صارت تتكلف عشان الشكر بالانستغرام صوره مباشره
والعالم كله تشوف نوعيه الهديه الي جبتها

انا مااشوفه الا نفاق واسراف واموال نسال عنها
بقول لكم مثال عندي قروب صاحبات هن فيهم خير وصلاح وراعيات واجب

مره توسمت فيهم خير وقلت انا اعرف وحده فقيره محتاجه ومااحب احرمكم من الاجر
الي تحب تساعدها باي شي تبلغني بالخاص
شكروني بس محد دخل خاص وعرض المساعده وهن مناصب وماعليهم قاصر ماشاءالله تبارك الرحمن وماعتبت عليهم
لكن الاسبوع الماضي كان تخرج بنت وحده م صاحباتنا
القروب كله قدم هدايا مكلفه وووردو وشوكلت باسعار غاليه مره
استغربت يبخلون علي الفقير المحتاج ويهدون غني زيهم
وماانا عنهم ببعيد
قبل ماارجع قلت بتغير
وممالي ووقتي بتروح للمكان لصحيح
للناس الاولى فيها لنفسي وللمحتاجين وفي عمل الخير
بس والله صعب
انجرفت في التيار وماقاومت
صرت نفسهم افر حسابات الانستغرام واطلب ورد واستاندات وشوكلت بالسعر الفلاني
عشان فلانه ماتزعل وتعرضه بالسناب

ماني سعيده بهالشي
او تشوفوني ابالغ
لحد يقول يمكن ترسلين شي رخيص
بدون مبالغه ارخص شي ب 250

وصعب تروحين بدون شي والاصعب تروحين بشغل بيت بسيط
ياحلو الغربه ولمه صاحباتي على كيك جاهز من الوال مارت والسعاده ماليتنا بلمتنا

شرايكم انا ابالغ ولا فعلا المجتمع فيه مشكله


تم تعديل العنوان ليتناسب مع المضمون