رد: هذا اسمه نفاق اجتماعي ولا كرم ولا ايش بال
اقتباس:
المشاركة الأصلية كتبت بواسطة مبتعثة متفائلة
هو مو قانون مهره غصب واجبار تجيبي شي غالي
بس هذا الوضع
اما تجارينهم او تسحبين
وكل مره اقول بسوي الي يريجني واجيب شي رخيص
بس لما تجي الجديه مااقدر
مااقدر اشوف العالم داخله شايله هالاشكال والديزانيات وغيره
وخاصه انهم يرصونها بطاوله وتكون ظاهره الكل
فارجع اشتري شي غالي
اخر مره اخذت شوكلت باتشي بس برضو احس شكله عادي بين هالاشكال والديزانيات والتحف الي جايبينها
وانحرجت فمابالك اذا بجيب حلوه قهوه او كيكه عاديه ماتكلف خمسين او 100 اذا كثر
كنت بموت من الاحراج
صعب تكسرين القاعده
|
إذاً المشكلة فيج إنتي يا مبتعثة.
إنتي اللي مقيدة نفسج بهالعرف وما تبين تتحررين منه .. فليش الشكوى أو انتقاد ظاهرة المبالغة في الهدايا؟!
صحيح من حقنا ننقد الظاهرة ونستنكر الإسراف .. لكن ما نقدر نتحكم في الناس .. ولا نقدر نجبرهم يغيرون الخط العام اللي صارت تمشي عليه الأمور .... لكن الأكيد إن إحنا نقدر نتحكم في نفسنا ونتصرف بالطريقة اللي تريحنا وتخلينا راضين عن نفسنا.
بداية هالسنة كان عرس أخو زوجي.
ماما أهدت العروس ذهب .. وبعض خوات زوجي تحاططوا وأهدوها ذهب ... كعرف إن العروس لازم هديتها تكون ذهب!
بقيت أنا ما أهديتها .. ووحدة من خوات زوجي ما مداها تشتري وظروفها ما كانت تسمح لها تشتري ذهب .. وكلمتني على أساس نتشارك ونشتري لها قطعة ذهب.
قلت لها بصراحة: الحين ماما والبنات أهدوها ذهب .. وعندها شبكة وذهب من زهبتها .. والغالب إن أمها أو حد من أهلها بيهدونها ذهب .. خلاص .. بس .. يكفي ذهب ..... خلينا نشوف شي ثاني.
أخت زوجي ما اقتنعت .. وأنا قدمت لها شنطة يد لونها أسود .. اشتريتها من تشارلز آند كيث .. وما غلفتها واكتفيت بعلبة المحل ـ لأني شفتها محترمة ـ مع بطاقة مباركة .. وبعثتها مع زوجها لأنهم ساكنين إمارة ثانية وما كانت في فرصة قريبة للزيارة.
أول ما استلمت الهدية كلمتني تشكرني على الشنطة .. وقالت لي: تعرفين لما تييج هدية إنتي فعلاً تكونين محتاجتها؟ .. لو تعرفين شكثر كنت محتاجة شنطة سودا هالوقت.
__________________
اللهم طِيبَ الأثر .. وحُسْنَ الرحيل.