كلمته بعد المشكله بكم يوم قلتله انا اش سويت عشان تكبر المشكله لهالدرجه وكل مااقول كلمه قال انتي لاتكلميني انا تفاهمت مع اهلك وهم يتفاهمون معك قلت ايش؟ قال اساليهم يفهمونك قلت فهمني انت قال مالي كلام معاك


الان بعد مرور اسبوع عبا الثلاجه اكل وفيه تغيرر بسيط بدا يهدا واستغربت انه ماراح نام بغرفه ثانيه زي العاده العاده تكون مشكله اصغر من ذي ينام بالمجلس انا برضه توقعت اني مااقعد دقيقه في الغرفه انام بعد اللي سواه والبهذله فيني وكلت امري لله ونمت على السرير بالمناسبه اليوم اللي تخاصمنا فيه مااكلت ولاشي اول مره بحياتي يمر علي يوم مااكل فيه اي شي

الحمد لله على كل حال صابره على عصبيته وتعامله وبرضه مو عاجبه بيوديني لاهلي لااله الا انت سبحانك اني كنت من الظالمين

نمت جنبه وانا حابسه الدموع في عيوني ماابيه يشوفها لانه اصلا مايتاثر فيها كانت الغرفه ظلام ناديته استغربت انه رد علي قال نعم وهو زعلان قلتله ماابغى اقلك شي بس بدخل في حضنك خايفه سكت ماقال شي دخلت في حضنه جلست ابكي وابكي وابكي قام لمني بيده وساكتين جاه اتصال ان امه بتزورنا وراح يجيبهاجت امه استغربت نظراتها كانها عارفه المشكله وشكله اقنعها اني غلطانه وماكان يكلمني ولايعطيني وجه قدامها وهي لاحظت وانا ماعندي الا ربي ادعيه واوكل امري له لالي لاحول ولاقوه والحمد لله


تعشينا ووراحت امه تنام مره فرحت بجيتها قلت تلطف الوضع شوي لاني حسيت ان خلاص مافيه حل
المهم رحت سريري وقريت الاذكار والرقيه ومسحت دموعي وقلت انام هو بالصاله جلس ربع ساعه تقريبا ودخل ينام جلسنا فتره لاكلام ولاشي لما شفته وافق اني اقرب منه توكلت على الله وقربت منه وانا متوقعه كل الاحتمالات وكل الصراخ والاعتراض والهوشه وكل شي حسيت نفسي مكسووووره دخلت في حضنه مره ثانيه قلي من ايش خايفه قلت له خايفه منكم انت ماتبغاني واهلي يبغوني اكون في بيت زوجي ومحد يبغاني اكلمه ودموعي ماليه وجهي قلتله وين اروح مايبغاني غير عيالي هم اللي يبوسون رجولي ويبكون يبوني اجلس عندهم هم اللي يحبوني بس انت ماتبيني واهلي مايبوني قلت اروح في الحرم اجلس فيه في بيت الله يرحمني برحمته بس خفت على سكعتي وسمعت اهلي تتشوه قلت اجلس عند عيالي واوكل امري لله قام حضني قال انتي تنسين نفسك لما تكلميني لاتحترميني ولاشي قلت انا اصلا ماتكلمت واهذا اقصى شي اقدر عليه قال اكلمك تقولين جب عشر قلت قلتلك جب اللي تشوفه وشايفني زعلانه تقوم تسالني مره ثانيه قال لاعاد تعيدينها جلست ابكي قلت اللي مخوفني اني مو شايفه نفسي غلطانه يعني اكيد بتتكرر المشكله انت تبيني رجل الي ماله اي ردة فعل بس يسوي اللي تبيه طيب انت مزعلني كيف تبغاني اضحك وارجع عادي قلتله حتى لو صار كذا ترميني بالشكل ذا نكدت علي وعلى اهلي وعلى عيالي وعلى نفسك بدل ماكنا جايين بننبسط قلبت الدنيا فوق راسي ورحت قال الاحترام قلت هذا الشيطان مكبرها في راسك ولا المشكله ماتحوج ذا كله قال لاترمين الخطا من الشيطان ذا انتي كله منك قلت والله ان الشيطان يكبرها في راسك بس خذ العلم ولا اتركه تعوذ بالله من الشيطان لاتيتم عيالك واحنا موجودين اذا مو عشاني عشان عيالك لاتهدم بيتك احمد الله وتعوذ من ابليس تحصن وارقي نفسك مورمعقول اللي سويته الامور بدت تفلت والوضع ماعاد يحتمل مجاملات انتبه لبيتك حتى لو زعلتك مايحوج هذا كله وانا اصلا صح زعلت بس مافتحت فمي بكلمه جلست ساكته وهذا اقصى شي اقدر اسويه انا ماسويت شي خارق العالم ماتسويه كل الناس تزعل وتضيق قال انت ماتبيني اروح لمكان تبغيني جنبك طول الوقت ويذكر لي كذا موقف زعلت فيه يقول حتى العزايم ماتلغيني اروح لها قلت والله لازعلت فيها ولاشي وحتى لو زعلت اضيق ساعتين ثلاثه وارجع مثل ماانا وش تحسب وقلتله متى زعلت عليك وفهمته المواقف اللي زعلت منها هو موقف واحد لاني كنت ابغاه ياخذنا معاه يودينا لاهلي ويروح لعزيمته وهو رفض قلتله اني زعلت على انك مااخذتنا مو لاني ماابغاك تروح للعزيمه
في الاخير هدينا شوي الحمد لله بدينا نتكلم وامه لطفت الجو شوي امه الان راحت خلاص

الان ابغاكم تساعدوني الله يجزاكم بالخير كيف اقنعه وافهمه انه غلطان لانه ابد مو شايف نفسه كذا وهذا الشي يخوف لان المشكله اكيد بتتكرر اذا مااقتنع
دعواتكم لي الحمد لله اسمع طول الوقت القران اذا سمعته ارتاح
وكيف اتعامل معه اليومين الجايه ذي ؟ النفس قافله منه

__________________
اللَّهُمَّ إِنَّا نَسْأَلُكَ نُفُوساً مُطْمَئِنَّةً تُؤْمِنُ بِلِقَائِكَ، وَتَقْنَعُ بِعَطَائِكَ، وَتَرْضَى بِقَضَائِكَ.